ନବନିଯୁକ୍ତ ସେନାମୁଖ୍ୟଙ୍କ ବିଷୟରେ କିଛି ରୋଚକ କଥା । ସେନାରେ ସାମିଲ ହେବାକୁ ଚାହୁଁନଥିଲେ ମନୋଜ ମୁକୁନ୍ଦ ନରବାଣେ, କିନ୍ତୁ ଏବେ ୧୩ ଲକ୍ଷ ସୈନିକଙ୍କର ସାଜିଛନ୍ତି ସେନାପତି ।
କନକ ବ୍ୟୁରୋ : ନବନିଯୁକ୍ତ ସେନାମୁଖ୍ୟଙ୍କୁ ନେଇ ଆସିଲା ରୋଚକ ଖବର । ସେନାରେ କ୍ୟାରିୟର କରିବାକୁ ଚାହୁଁନଥିଲେ ମନୋଜ ମୁକୁନ୍ଦ ନରବାଣେ । କିନ୍ତୁ ସମୟର ଖେଳ ବଡ ବିଚିତ୍ର । ଯିଏ ସେନାରେ ସାମିଲ ହେବାକୁ ଚାହୁଁନଥିଲେ ଏବେ ସେ ଦେଶର ୨୮ତମ ସ୍ଥଳସେନା ମୁଖ୍ୟ ଭାବେ କାର୍ଯ୍ୟଭାର ସମ୍ଭାଳିଛନ୍ତି । ଏହାପୂର୍ବରୁ ସେ ସ୍ଥଳସେନାର ଉପମୁଖ୍ୟ ଭାବେ କାର୍ଯ୍ୟ କରିଛନ୍ତି । ଏପରିକି ଭାରତୀୟ ସ୍ଥଳସେନାର ପୂର୍ବ ଟ୍ରୁପର ନେତୃତ୍ୱ ନେଇଛନ୍ତି ନରବାଣେ । ତାଙ୍କ ନେତୃତ୍ୱରେ ଚୀନକୁ ଲାଗି ରହିଥିବା ୪ହଜାର କିଲୋମିଟର ସୀମା ଉପରେ ନଜର ରଖିଥିଲା ସେନା ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟକୁ ଦେଇଥିବା ସାକ୍ଷାତକାରରେ ନରବାଣେ କହିଛନ୍ତି, ସ୍କୁଲ କ୍ୟାରିୟରେ ମିଳିଥିବା ଶିକ୍ଷା ଯୋଗୁଁ ସେ ଜୀବନରେ ଆଗକୁ ବଢି ପାରିଛନ୍ତି । ସ୍କୁଲରେ ଶିକ୍ଷକ ମାନେ ଅନୁଶାସନ ଓ ସଚ୍ଚୋଟତାର ଯେଉଁ ପାଠ ପଢାଇଥିଲେ ତାହା ମୋତେ ଭଲ ମଣିଷ ଭାବେ ଗଢି ତୋଳିଛି । ତେଣୁ ଆଜି ମୁଁ ଯେଉଁ ଭୂମିକାରେ ରହିଛି ତାହା କେବଳ ସେମାନଙ୍କ ଶିକ୍ଷା ପାଇଁ ।
ଜେନେରାଲ ମନୋଜ ମୁକୁନ୍ଦ ନାରାୟଣ ସ୍କୁଲ କ୍ୟାରିୟରରେ ଜଣେ ମେଧାବୀ ଛାତ୍ର ଥିଲେ । କିନ୍ତୁ ଫିଲ୍ମ ଦେଖିବାକୁ ବେଶ ପସନ୍ଦ କରୁଥିଲେ । ଫିଲ୍ମ ଦେଖିବାକୁ ନାରବାଣେ ଏତେ ପାଗଳ ଥିଲେ ଯେ, ଦଶମ ବୋର୍ଡ ପରୀକ୍ଷା ପୂର୍ବଦିନ ମଧ୍ୟ ଫିଲ୍ମ ଦେଖିବାକୁ ହଲ ଯାଇଥିଲେ । ଯେଉଁ ନିଶା ଏବେ ପର୍ଯ୍ୟନ୍ତ ଜାରି ରହିଛି । ଏହାଛଡା ଏନଡିଏରେ ପଢିବା ସମୟର କଥା ମନେ ପକାଇ ନରବାଣେ କହିଛନ୍ତି, ବାପା ସବୁବେଳେ ମୋତେ ସେନାରେ ସାମିଲ ହେବାକୁ କହୁଥିଲେ । କିନ୍ତୁ ମା ବିଲକୁଲ ଏଭଳି ଚାହୁଁନଥିଲେ । ତେବେ ପରବର୍ତ୍ତୀ ସମୟରେ ସେନାରେ ସାମିଲ ହେବାକୁ ଚାହିଁବାରୁ ମା ମଧ୍ୟ ରାଜି ହୋଇଯାଇଥିଲେ ।
ମାତ୍ର ୧୫ ବର୍ଷ ବୟସରେ ଏନଡିଏରେ ନାଁ ଲେଖାଇଥିଲେ ନରବାଣେ । ଏନଡିଏର ଭୂମି ହେଉଛି ଲିଡରସିପର ଭୂମି । ଏଠାରୁ ଯେଉଁ ଯବାନ ପ୍ରଶିକ୍ଷଣ ପାଇଥାନ୍ତି ସେମାନଙ୍କୁ ପରବର୍ତ୍ତୀ ସମୟରେ ନେତୃତ୍ୱ ନେଉଥିବାର ଦେଖିବାକୁ ମିଳିଛି । ଏବେ ମଧ୍ୟ ୩ ସେନାର ସେନାପତି ସାଜିଛନ୍ତି ଏନଡିଏର ୫୬ତମ ବ୍ୟାଚର ୩ ଛାତ୍ର । ଯାହା ମୋ ପାଇଁ ଗର୍ବର ବିଷୟ ବୋଲି କହିଛନ୍ତି ନରବାଣେ ।