ଅଧା ରାସ୍ତାରେ ଅଚଳ ହୋଇଗଲା ପୁଲିସ୍ ଭ୍ୟାସ୍ । ଗାଡି ଷ୍ଟାର୍ଟ ନହେବାରୁ ଶେଷରେ ଅଭିଯୁକ୍ତକୁ ଚଲେଇ ଚଲେଇ ନେଲେ ଥାନା ଅଧିକାରୀ
ନରସିଂହପୁର ଅଂଚଳର ଯୁବକଙ୍କୁ ଗିରଫ କରି ନେଲା ବେଳେ ଖରାପ ହେଲା ଗାଡି; ଚୋରି ଅଭଯୋଗରେ ଅଭିଯୁକ୍ତଙ୍କୁ ଗିରଫ କରିଥିଲା ପୁଲିସ
କନକ ବ୍ୟୁରୋ: ଗାଡି ଷ୍ଟାର୍ଟ ନ ହେବାରୁ ଅଭିଯୁକ୍ତକୁ ଚଲାଇ ଚଲାଇ ନେଲା ପୁଲିସ । ନରସିଂହପୁର ବ୍ଲକ କାନପୁର ଥାନା ଅଂଚଳ ହଟିଆପଲ୍ଲୀ ଗାଁର ଏହି ଘଟଣା ଏବେ ବେଶ ଆଲୋଚନାର ବିଷୟ ହୋଇଛି । ଘଟଣା ଅନୁସାରେ, ଗୁରୁବାର ବିଳମ୍ବିତ ରାତିରେ ଏକ ଚୋରି ଘଟଣାରେ ପୋଲିସ ୪ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଜାମିନ ନାମଞ୍ଜୁର ହେବା ପରେ ସେମାନଙ୍କୁ ବିଚାରବିଭାଗୀୟ ଉପକାରାଗାରକୁ ପଠାଇଦିଆଯାଇଥିଲା । ଏହି ସମୟରେ ସବୁଠାରୁ ଚର୍ଚ୍ଚାର କଥା ହେଲା, ପୁଲିସ ଗାଡି ଆଦୌ ଷ୍ଟାର୍ଟ ନ ନହେବାରୁ ଅଭିଯୁକ୍ତଙ୍କୁ ପୋଲିସ ଚଲାଇ ଚଲାଇ ନେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ରାସ୍ତାସାରା ଲୋକେ ସେମାନଙ୍କୁ ଚାହିଁ ଥଟ୍ଟା ପରିହାସ କରିଥିଲେ । ପୁଲିସ ଏହି ଘଟଣାରେ ଗିରଫ ଅଭିଯୁକଙ୍କୁ ନରସିଂହପୁର କୋର୍ଟକୁ ଆଣିଥିବା ସମୟରେ ପୁଲିସ ଗାଡି ଷ୍ଟାର୍ଟ ହୋଇନଥିଲା । ଫଳରେ ଅଭିଯୁକ୍ତକୁ ରାସ୍ତାରେ ଚଲାଇ ଚଲାଇ ମାଜିଷ୍ଟ୍ରେଟଙ୍କ ନିକଟରେ ହାଜର କରାଯାଇଥିଲା । ପୁଣି ସେଠାରୁ ଚଲାଇ ଚଲାଇ କୋର୍ଟ ଅଣାଯାଇଥିଲା । ଏହା ପରେ ବି ଗାଡି ଷ୍ଟାର୍ଟ ହୋଇନଥିଲା । ପୁଣି ଥରେ ଚଲାଇ ଚଲାଇ ନରସିଂହପୁର ଉପକାରଗାରକୁ ନିଆଯାଇଥିଲା । ଦୀର୍ଘ ଦୁଇ ଘଂଟା ପରେ ଗାଡିକୁ ଠେଲି ଠେଲି ଷ୍ଟାର୍ଟ କରାଯାଇଥିଲା ।