ପଶ୍ଚିମବଙ୍ଗ ବିଧାନସଭା ନିର୍ବାଚନ : ନିର୍ବାଚନ କମିଶନଙ୍କ ରିପୋର୍ଟରେ ନାହିଁ ନନ୍ଦୀଗ୍ରାମ ହିଂସା, କେଉଁଠି ହୋଇନାହିଁ ମତଦାନ ପ୍ରଭାବିତ
କନକ ବ୍ୟୁରୋ : ଗୁରୁବାର ଦିନ ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ହୋଇଛି । ଏଥିରେ ନନ୍ଦୀଗ୍ରାମରେ ମତଦାନ ବେଳେ ହୋଇଥିବା ହିଂସା ବାବଦରେ ନିର୍ବାଚନ କମିଶନ ତାଙ୍କ ରିପୋର୍ଟରେ କିଛି ଉଲ୍ଲେଖ କରି ନାହାନ୍ତି । ମାତ୍ର ଗତକାଲି ନନ୍ଦୀଗ୍ରାମର ବୋୟାଲ ବୁଥ୍ ରେ ବିଜେପି ଓ ଟିଏମସି କର୍ମୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଯାହା ମଧ୍ୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଫଶିଯାଇଥିଲେ । ପୁରା ଘଟଣା ୧ ଘଂଟା ଧରି ଚାଲିଥିଲା । ପରାମିଲିଟାରୀ ଫୋର୍ସଙ୍କ ସହାୟତାରେ ମମତାଙ୍କୁ ଉଦ୍ଧାର କରାଯାଇଥିଲା । ଏସବୁ କଥା ଗତକାଲି ଦେଶର ସବୁ ଗଣମାଧ୍ୟମରେ ପ୍ରକାଶ ପାଇଥିଲା । ହେଲେ ନିର୍ବାଚନ କମିଶନଙ୍କ ପକ୍ଷରୁ ପ୍ରକାଶିତ ରିପୋର୍ଟରେ ସବୁ ସ୍ୱାଭାବିକ୍ ଥିବା କଥା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନରଙ୍କ ପକ୍ଷରୁ ଏକ ବୟାନ ଜାରି କରି କୁହାଯାଇଛି କି ତାଙ୍କ ଦ୍ୱାରା ପଠାଯାଇଥିବା ପର୍ଯ୍ୟବେକ୍ଷକଙ୍କ ରିପୋର୍ଟ ମୁତାବକ ପୋଲିଙ୍ଗ ଷ୍ଟେସନ ନମ୍ବର -୭ (ବୋୟାଲ ମୋକତବ ପ୍ରାଇମେରୀ ସ୍କୁଲ) ରେ ମତଦାନ ଚାଲିଥିବା ବେଳେ କୌଣସି ଅପ୍ରିତିକର ଘଟଣା ଦେଖିବାକୁ ମିଳି ନାହିଁ । ଏହି ବୁଥ୍ ରେ ମତଦାନ ଠିକ୍ ଠାକ୍ ହୋଇଛି ।
ନିର୍ବାଚନ କମିଶନଙ୍କ ଏଭଳି ବୟାନ ଆସିବା ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିର୍ବାଚନ କମିଶନଙ୍କ ଉପରେ ଅଭିଯୋଗ ଆଣି କହିଛନ୍ତି କି, ନିର୍ବାଚନ କମିଶନ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହାଙ୍କ ଆଦେଶ ପାଳନ କରୁଛନ୍ତି ।