ନନ୍ଦିଗ୍ରାମରେ ନିର୍ବାଚନ ହାରିବା ପ୍ରସଙ୍ଗରେ ହାଇକୋର୍ଟରେ ମମତା ବାନାର୍ଜୀଙ୍କ ଆବେଦନ । ଫଳାଫଳରେ ଅନିୟମିତତା ହୋଇଥିବା କଲେ ଅଭିଯୋଗ ।
କନକ ବ୍ୟୁରୋ: ପଶ୍ଚିମବଙ୍ଗର ନନ୍ଦିଗ୍ରାମ ସିଟରୁ ନିର୍ବାଚନ ହାରିବା ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ଟିଏମସି ସୁପ୍ରିମୋ ତଥା ପଶ୍ଚିମବଂଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ନନ୍ଦିଗ୍ରାମ ଆସନରୁ ଶୁୁଭେନ୍ଦୁ ଅଧିକାରୀଙ୍କ ବିଜୟକୁ ଚ୍ୟାଲେଞ୍ଜ କରି ମମତା କୋର୍ଟରେ ଆବେଦନ କରିଛନ୍ତି । ତେବେ ଶୁକ୍ରବାର ହାଇକୋର୍ଟ ଶୁଣାଣି କରି ମାମଲାର ପରବର୍ତୀ ଶୁଣାଣୀ ୨୪ ଜୁନ୍କୁ ଘୁଂଚାଇ ଦେଇଛନ୍ତି । ଯାହାକୁ ନେଇ ଅସନ୍ତୁଷ୍ଟ ପ୍ରକାଶ କରିଛି ଟିଏମସି । କେବଳ ସେତିକି ନୁହେଁ ମାମଲାର ବିଚାର କରୁଥିବା ବିଚାରପତିଙ୍କ ବିରୋଧରେ ଅଭିଯୋଗ ଆଣିଛି ଟିଏମସି । ସମ୍ପୃକ୍ତ ବିଚାରପତିଙ୍କ ବିଜେପି ସହ ସମ୍ପର୍କ ଥିବା ଅଭିଯୋଗ ଆଣିଛନ୍ତି ଟିଏମସି ନେତା ।
Kanak News is now on WhatsApp
Join and get latest news updates delivered to you via WhatsApp
ଆଠଟି ପର୍ଯ୍ୟାୟରେ ହୋଇଥିବା ପଶ୍ଚିମବଙ୍ଗ ନିର୍ବାଚନର ଫଳାଫଳ ମେ ୨ ତାରିଖରେ ଘୋଷଣା ହୋଇଥିଲା । ଏଥିରେ ଟିଏମସି ବହୁମତ ପାଇଥିଲା । ତେବେ ସମସ୍ତଙ୍କ ନଜର ନନ୍ଦିଗ୍ରାମ ଫଳାଫଳ ଉପରେ ରହିଥିଲା । କାରଣ ଏହି ସିଟରୁ ନିଜେ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିର୍ବାଚନ ଲଢୁଥିଲେ । ଆଉ ତାଙ୍କ ବିପକ୍ଷରେ ଲଢ଼ୁଥିଲେ ବିଜେପିର ବିଜେପିର ଟାଣୁଆ ନେତା ତଥା ଏକଦା ମମତାଙ୍କ ଘନିଷ୍ଠ ସହଯୋଗୀ ଥିବା ଶୁଭେନ୍ଦୁ ଅଧିକାରୀ । ତେବେ ଶୁଭେନ୍ଦୁଙ୍କ ଠାରୁ ୧୯୫୬ ଭୋଟ୍ରେ ହାରି ଯାଇଥିଲେ ମମତା ବାନାର୍ଜୀ । ପରେ ଭୋଟିଂର ପୁନଃ ଗଣତି ପାଇଁ ମଧ୍ୟ ଦାବି କରିଥିଲେ । ତେବେ ଏହାକୁ ଅସ୍ୱୀକାର କରିଥିଲେ ନିର୍ବାଚନ କମିଶନ । ତେବେ ଏହି ପ୍ରସଙ୍ଗକୁ ନେଇ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ମମତା ।
ସେପଟେ ବିଜେପିରୁ ଟିକେଟ୍ ପାଇ ନିର୍ବାଚନ ଜିତିବା ପରେ ବିଧାୟକ ମୁକୁଲ ରୟ ନିକଟରେ ଟିଏମସିକୁ ଫେରିଯାଇଛନ୍ତି । ଏହାକୁ ନେଇ ମୁକୁଲ ରୟଙ୍କ ଇସ୍ତଫା ଦାବି କରିଛି ବିଜେପି । ବିଧାନସଭା ବାଚସ୍ପତିଙ୍କ ନିକଟରେ ଏନେଇ ଦାବି ଉଠାଇଛନ୍ତି ପଶ୍ଚିମବଂଗ ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ।