ସେଲଫି ନେବାକୁ ଯାଇଥିବା ଫ୍ୟାନଙ୍କୁ ଥାପଡ ମାରିଲେ ନାନା ପାଟେକର

ନିକଟରେ ବଲିଉଡ ଅଭିନେତା ନାନା ପାଟେକରଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ଅଭିନେତା ସେଲଫି ନେବାକୁ ଆସିଥିବା ଜଣେ ପ୍ରଶଂସକଙ୍କୁ ଜୋରଦାର ଚାପୁଡ଼ା ମାରିଥିବାର ଦେଖାଯାଉଛି । ବଲିଉଡ ଅଭିନେତା ନାନା ପାଟେକର ତାଙ୍କର ଶକ୍ତିଶାଳୀ ଅଭିନୟ ଏବଂ ଡାଇଲଗ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ନିକଟରେ ଅଭିନେତାଙ୍କର ଏକ ଭିଡିଓ ସାମ୍ନାକୁ ଆସିଛି ଯାହା ତାଙ୍କର ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି ।

ଆଜ୍ଞା ହଁ ... ସେହି ଭାଇରାଲ ଭିଡିଓରେ ନାନା ପାଟେକର ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିଥିବା ନଜର ଆସିଛନ୍ତି ।  ନାନା ପାଟେକର ବନାରସରେ ତାଙ୍କର ଆଗାମୀ ଚଳଚ୍ଚିତ୍ର ‘ଜର୍ନୀ’ ପାଇଁ ସୁଟିଂ କରୁଥିଲେ ସେହି ସମୟରେ ଜଣେ ବ୍ୟକ୍ତି ତାଙ୍କ ନିକଟକୁ ଆସି ଫଟୋ ଉଠେଇବାକୁ ଅନୁରୋଧ କରିଥିଲେ । କିନ୍ତୁ ନାନା ପାଟେକର ରାଗିଯାଇ ତାଙ୍କୁ ଏକ ଜୋରଦାର ଚାପୁଡ଼ା ମାରିଥିଲେ । ଫ୍ୟାନଙ୍କୁ ଚାପୁଡା ମାରିଲେ ନାନା ପାଟେକର ମିଡିଆ ରିପୋର୍ଟ ଅନୁଯାୟୀ, ନାନା ପାଟେକର ଉକ୍ତ ବ୍ୟକ୍ତିଙ୍କୁ ଚାପୁଡ଼ା ମାରି ସେଟରୁ ବାହାର କରିଦେଇଥିଲେ । କିନ୍ତୁ ବର୍ତ୍ତମାନ ଅଭିନେତାଙ୍କର ସେହି ଚାପୁଡ଼ା ମାରିବା ଭିଡିଓ ସୋସିଆଲ ମିଡିଆରେ ନିଆଁ ଭଳି ଭାଇରାଲ ହେବାରେ ଲାଗିଛି । ନାନା ପାଟେକରଙ୍କ ଭିଡିଓ ଆସିବା ଦିନଠାରୁ ଇଣ୍ଟରନେଟରେ ହଇଚଇ ହେଇଯାଇଛି । ନେଟେନିଜେନ୍ସ ମାନେ ବିଭିନ୍ନ ପ୍ରକାରର ମନ୍ତବ୍ୟ ଦେଉଛନ୍ତି ।  କିଛି ଲୋକ ନାନା ପାଟେକରଙ୍କ ସମର୍ଥନରେ ଛିଡା ହୋଇଥିବାବେଳେ କିଛି ଲୋକ ଅଭିନେତାଙ୍କୁ ଟ୍ରୋଲ କରିବାର ସୁଯୋଗ ଛାଡୁ ନାହାଁନ୍ତି ।

ନାନା ପାଟେକର ବର୍ତ୍ତମାନ ବନାରସରେ ଚଳଚ୍ଚିତ୍ର ‘ଜର୍ନୀ’ ପାଇଁ ସୁଟିଂ କରୁଛନ୍ତି। ଯାହା ବିଷୟରେ ନିକଟରେ ‘ଗଦ୍ଦର’ ଫିଲ୍ମର ନିର୍ଦ୍ଦେଶକ ଅନିଲ ଶର୍ମା ଘୋଷଣା କରିଥିଲେ ।ଲଗାତର ବିବାଦରେ ରହି ଆସିଛନ୍ତି ନାନା ପାଟେକର ଏମିତିରେ ବି ନାନା ପାଟେକର ପ୍ରାୟତଃ ତାଙ୍କ ବିବାଦୀୟ ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ‘ଦି ଭ୍ୟାକ୍ସିନ୍ ୱାର’ ଚଳଚ୍ଚିତ୍ର ରିଲିଜ୍ ହେବା ପରଠାରୁ ନାନା ପାଟେକର କ୍ରମାଗତ ଭାବରେ ବିବାଦରେ ଜଡିତ ରହିଆସିଛନ୍ତି । ସେହି ସମୟରେ ନାନା ପାଟେକର ଶାହାରୁଖ ଖାନଙ୍କ ଯବାନ ଏବଂ ସନି ଦେଓଲଙ୍କ ଗାଦର ବିଷୟରେ ନିଜର ମତ ରଖିଥିଲେ। କେବଳ ଏତିକି ନୁହେଁ, ନାନା ପାଟେକର ବଲିଉଡର ଷ୍ଟାର କିଡ଼ମାନଙ୍କ ଉପରେ ମଧ୍ୟ ମନ୍ତବ୍ୟ ଦେଇଥିଲେ, ଯାହା ପରେ ସେ ଚର୍ଚ୍ଚାରେ ରହି ଆସିଛନ୍ତି ।