କନକ ବ୍ୟୁରୋ : ଆସିପାରିଲାନି ଆମ୍ବୁଲାନ୍ସ, ଖଟିଆରେ ବୁହାହେଲେ ରୋଗୀ । ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ପାଟଖଲିଆ ଗ୍ରାମ ପଂଚାୟତର ଗୌରଝରିଆ ଗାଁରେ ଘଟଛି ଏକ ଅଭାବନୀୟ ଘଟଣା । ଗାଁର ହିଙ୍ଗରାଜ ମାଝୀଙ୍କ ସ୍ତ୍ରୀ ନମତି ମାଝୀ ଗାଧୋଇ ସାରି ଲୁଗା ଶୁଖାଉ ଥିବା ସମୟରେ ପାଖରେ ଥିବା ବିଦ୍ୟୁତ ତାରରେ ଓଦା ଲୁଗା ଲାଗିଯିବାରୁ ସେ ଗୁରୁତର ହୋଇ ପଡ଼ିଥିଲେ । ତାଙ୍କୁ ଡାକ୍ତରଖାନା ନେବା ପାଇଁ ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ହେଲେ ରାସ୍ତା ଖରାପ ପାଇଁ ଘର ପାଖକୁ ଆସିପାରି ନଥିଲା ଆମ୍ବୁଲାନ୍ସ ।
Kanak News is now on WhatsApp
Join and get latest news updates delivered to you via WhatsApp
ବର୍ଷା ଯୋଗୁଁ ରାସ୍ତାରେ କାଦୁଅ ଏବଂ ବଡ଼ ବଡ଼ ଖାଲଥିବା ଯୋଗୁ ଗାଁ ଭିତରକୁ ଆମ୍ବୁଲାନ୍ସ ପଶିବା ସମ୍ଭବ ନଥିଲା । ପରିବାର ଓ ଗାଁ ଲୋକ ମିଶି ଗୁରୁତର ଆହତ ମହିଳାଙ୍କୁ ଖଟିଆରେ ଦୁଇ କିଲୋମିଟର ବୋହି ଆମ୍ବୁଲାନ୍ସ ନିକଟକୁ ଆଣିଥିଲେ । ପରେ ମହିଳାଙ୍କୁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ପ୍ରଶାସନ ଅଧିକାରୀମାନେ ଦୃଷ୍ଟିଦେଇ ଗ୍ରାମର ରାସ୍ତା ସମସ୍ୟାର ସମାଧାନ ପାଇଁ ଗ୍ରାମବାସୀ ଦାବି କରିଛନ୍ତି ।