କନକ ବ୍ୟୁରୋ : ଜଙ୍ଗଲ ସୁରକ୍ଷା ପାଇଁ ଆନ୍ଦୋଳନକୁ ଓହ୍ଲାଇଲେ ଗ୍ରାମାବାସୀ । ଫରେଷ୍ଟରଙ୍କ ବିରୋଧରେ ଅଫିସ୍ ଘେରାଉ କରିଛନ୍ତି ମୁର୍ତୁମା ଗ୍ରାମ ଜଙ୍ଗଲ ସୁରକ୍ଷା କମିଟିର ଶତାଧିକ ସଦସ୍ୟ । ଫରେଷ୍ଟର ଲାଂଚ ନେଇ କାର୍ଯ୍ୟକରୁଥିବା ଅଭିଯୋଗ ଆଣିବା ସହ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରି ହୋହାଲ୍ଲା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କମିଟି ପକ୍ଷରୁ କୁହାଯାଇଛି ଯେ ଗତ ୨୫ତାରିଖ ଦିନ ମୁର୍ତୁମା ଜଙ୍ଗଲ ଅଂଚଳରୁ ଚୋରା ବାଲି ଚାଲାଣ କରୁଥିବାବେଳେ ଏକ ଟ୍ରାକ୍ଟରକୁ ଜବତ କରିଥିଲେ ସୁରକ୍ଷା କମିଟିର ସଦସ୍ୟ । ଏବଂ ସେହି ଟ୍ରାକ୍ଟରକୁ ଫରେଷ୍ଟରଙ୍କ ଜିମା ଦେଇଥିଲେ । କିନ୍ତୁ ଟ୍ରାକ୍ଟର ମାଲିକଙ୍କ ବିରୋଧରେ କୋ÷ଣସି କାର୍ଯ୍ୟନୁଷ୍ଠାନ ନେବା ବଦଳରେ ଲାଂଚ ନେଇ ଗାଡିଟିକୁ ଫରେଷ୍ଟର ଛାଡି ଦେଇଛନ୍ତି ବୋଲି ଅଭିଯୋଗ କରିଛନ୍ତି ଗ୍ରାମବାସୀ ।
ଅନ୍ୟପଟେ ଏନେଇ ରେଞ୍ଜର କହିଛନ୍ତି ବାଲି ଉଠାଉଥିବା ଟ୍ରାକ୍ଟର ମାଲିକଙ୍କ ନାଁରେ ସିଆରପିସିର ଧାରା ଅନୁସାରେ କେସ୍ କରାଯିବା ସହ ନୋଟିସ୍ କରାଯାଇଛି । ଏବଂ ତାଙ୍କ ଅଜାଣତରେ ଫରେଷ୍ଟର ଟ୍ରାକ୍ଟରଟିକୁ ଛାଡି ଦେଇଛନ୍ତି । ତେଣୁ ସମ୍ପୃକ୍ତ ଫରେଷ୍ଟରଙ୍କ ଉପରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।