ନବରଙ୍ଗପୁରରେ ଲଜ୍ଜା : ପୁଅ-ଝିଅ ରାତିରେ କଥା ହେଲେ ବୋଲି ବାହାଘର କରାଇବାକୁ ଉଦ୍ୟମ କଲେ ଯୁବଗୋଷ୍ଠୀ
ପୋଲିସରେ ଅଭିଯୋଗ ପରେ ରାତି ଅଧିଆ ଚଢାଉ, ଗାଁ ଯୁବକ ଶୂନ୍ୟ
କନକ ବ୍ୟୁରୋ : ପୁଅ-ଝିଅ ରାତିରେ କଥା ହେବାରୁ ଦୁଇ ଜଣଙ୍କୁ ଜୋର ଜବରଦସ୍ତି ଗାଁ ଦାଣ୍ଡ ରେ ବୁଲାଇବା ସହ ବାହାଘର କରାଇବାକୁ ଉଦ୍ୟମ । ନବରଙ୍ଗପୁର ଜିଲ୍ଲା ରାଇଘର ବ୍ଲକ ସୋନପୁର ଡିଏନକେ ଗାଁରେ ଘଟିଛି ଏଭଳି ଲଜ୍ୟାକର ଘଟଣା । ସୂଚନା ଅନୁଯାୟୀ, ସାନ ଭଉଣୀର ଶଶୁର ଘରକୁ ବଡ ଭଉଣୀ ବୁଲିଆସଥିବା ବେଳେ ରାତିରେ ଗାଁର ଜଣେ ଯୁବକଙ୍କ ସହ କଥାବାର୍ତ୍ତା ହେଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ଦେଖି ଗାଁର କିଛି ଯୁବକ ଦୁହଁଙ୍କୁ ଜୋର୍ ଜବରଦସ୍ତ ବନ୍ଦ କୋଠରୀରେ ଅଟକ ରଖି ଦୁଇ ଜଣଙ୍କ ଭିଡିଓ ଉତୋଳନ କରିଥିଲେ । କେବଳ ଏତିକି ନୁହେଁ ଅନ୍ଧାର ରାତିରେ ଦୁହଁଙ୍କୁ ଗାଁ ଦାଣ୍ଡରେ ବୁଲାଇବା ଭିଡିଓ ଭାଇରାଲ କରିଥିଲେ । ଝିଅକୁ ଆଣିବା ପାଇଁ ବାପା ଯାଇଥିବା ବେଳେ ବାପାଙ୍କୁ ବି ଗ୍ରାମ କମିଟିର ସଦସ୍ୟ ମାନେ ବାଡେଇଥିବା ଅଭିଯୋଗ ହୋଇଛି । ନ୍ୟାୟ ପାଇଁ ରାଇଘର ଥାନାର ଦ୍ୱାରସ୍ଥ ହେଇଛନ୍ତି ପୀଡିତା । ନ୍ୟାୟ ନ ପାଇଲେ ଆତ୍ମହତ୍ୟା କରିବେ ବୋଲି କହିଛନ୍ତି ।