ନବରଙ୍ଗପୁର ଓ କନ୍ଧମାଳ ଜିଲ୍ଲାରେ ସକ୍ରିୟ ସଂକ୍ରମିତ ସଂଖ୍ୟା ଶୂନ । କୋଭିଡ୍ ମୁକ୍ତ ହେଲେ ରାଜ୍ୟର ଦୁଇ ଜିଲ୍ଲା
କନକ ବ୍ୟୁରୋ: ରାଜ୍ୟବାସୀଙ୍କ ପାଇଁ ଖୁସି ଖବର । ଦୀର୍ଘ ଦିନର ବ୍ୟବଧାନ ପରେ ପୁଣି ଏକ ଜିଲ୍ଲା କରୋନା ଶୂନ୍ୟ ହୋଇଛି । ଏଥିସହ ରାଜ୍ୟରେ କୋଭିଡ୍ ଶୂନ୍ୟ ଜିଲ୍ଲାଙ୍କ ସଂଖ୍ୟା ଦୁଇକୁ ବୃଦ୍ଧି ପାଇଛି । ଏବେ ନବରଙ୍ଗପୁର ସହ କନ୍ଧମାଳ ଜିଲ୍ଲା ବି କୋଭିଡ୍ ଶୂନ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନବରଙ୍ଗପୁର ଜିଲ୍ଲାରୁ ଏବେ ସୁଦ୍ଧା ମୋଟ ୫୮୨୫ ଜଣ କୋଭିଡ୍ ରୋଗୀ ଚିହ୍ନଟ ହୋଇଥିବାବେଳେ ୫୮୦୯ ଜଣ ସୁସ୍ଥ ହୋଇସାରିଛନ୍ତି । ଜିଲ୍ଲାରେ ଏଯାବତ କୋଭିଡ୍ଜନିତ ମୃତ୍ୟୁ ୧୪ ଥିବାବେଳେ ଅଣ କୋଭିଡ୍ ମୃତ୍ୟୁ ୨ ଅଛି । ଖୁସିର କଥା ହେଉଛି ତାଜା ରିପୋର୍ଟ ଅନୁସାରେ ଜିଲ୍ଲାରେ ଏବେ କୌଣସି ସକ୍ରିୟ ସଂକ୍ରମିତ ନାହାନ୍ତି ।
ସେହିପରି କନ୍ଧମାଳ ଜିଲ୍ଲାରୁ ଏବେ ସୁଦ୍ଧା ୫୯୪୪ ଜଣ ସଂକ୍ରମିତ ଚିହ୍ନଟ ହୋଇଥିବାବେଳେ ସେଥିମଧ୍ୟରୁ ୫୯୧୧ ଜଣ ସୁସ୍ଥ ହୋଇସାରିଲେଣି । ଜିଲ୍ଲାରେ ଏବେ କୌଣସି ସକ୍ରିୟ ସଂକ୍ରମିତ ନଥିବା ରାଜ୍ୟ ସରକାରଙ୍କ ତରଫରୁ କୋଭିଡ୍ ଡ୍ୟାସବୋର୍ଡରେ ଉଲ୍ଲେଖ କରାଯାଇଛି । ଯାହା ଦୁଇ ଜିଲ୍ଲାର ଲୋକଙ୍କୁ ଆଶ୍ୱସ୍ତ କରିଛି । ଆଜି ସୁଦ୍ଧା ରାଜ୍ୟରୁ ୩,୩୫,୩୬୯ ପଜିଟିଭ୍ କେସ୍ ସାମ୍ନାକୁ ଆସିଥିବାବେଳେ ସେଥିମଧ୍ୟରୁ ୩,୩୨,୬୧୧ ଜଣ ସୁସ୍ଥ ହୋଇସାରିଲେଣି । ରାଜ୍ୟରେ ଏବେ ମାତ୍ର ୭୯୮ ଜଣ ସକ୍ରିୟ ସଂକ୍ରମିତ ଅଛନ୍ତି ।