କନକ ବ୍ୟୁରୋ : ସମ୍ବଲପୁର ଇବ ନଦୀ ଉପରେ ନିର୍ମିତ ସପନେ-ରମ୍ପେଲା ସେତୁର ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ । ଏହାସହ ସେତୁର ଆପ୍ରୋଚ୍ ରୋଡକୁ ବି ଉଦଘାଟନ କରିଛନ୍ତି ନବୀନ ପଟ୍ଟନାୟକ । ରେଙ୍ଗାଳିରେ ୧୧୭ କୋଟି ୪୯ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଛି ଅଢେଇ କିଲୋମିଟର ସେତୁ । ସପନେ-ରମ୍ପେଲା ସେତୁ କାର୍ଯ୍ୟକ୍ଷମ ହେବା ଦ୍ୱାରା ସମ୍ବଲପୁର ଓ ଝାରସୁଗୁଡ଼ାର ବେଲପାହାଡ଼, ଲଖନପୁର ମଧ୍ୟରେ ଦୂରତା କମିଯିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଇବ ସେତୁ ଲୋକାର୍ପଣ ଉତ୍ସବରେ ସାମିଲ ହୋଇ ପୁଣି ନବୀନ ପଟ୍ଟନାୟକଙ୍କୁ ପ୍ରଶଂସା କରିଛନ୍ତି ଝାରସୁଗୁଡା ବିଧାୟକ ନବ କିଶୋର ଦାସ । ଝାରସୁଗୁଡାର ଉନ୍ନତି ପାଇଁ କାମ କରୁଥିବାରୁ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରିଛନ୍ତି କଂଗ୍ରେସର ଏହି ବିଧାୟକ । ବିଜେଡିରେ ମିଶିବା ନେଇ ସାମ୍ବାଦିକ ପ୍ରଶ୍ନର ଉତରରେ ନବ ଦାସ କହିଛନ୍ତି, ଝାରସୁଗୁଡା ଜନସାଧାରଣ ଯାହା ଉପଦେଶ ଦେବେ ସେହି ହିସାବରେ ସେ କାମ କରିବେ ।