ଆତଙ୍କ ରଚୁଛି ଅଜଣା ରୋଗ ! ନେଲାଣି ୧୦୦ରୁ ଅଧିକ ଜୀବନ
କନକ ବ୍ୟୁରୋ : ଉତ୍ତରପ୍ରଦେଶରେ ଅଜଣା ଜ୍ୱର ଏବେ ୧୦୦ ରୁ ଅଧିକ ଜୀବନ ନେଇସାରିଲାଣି । ୟୁପିର ଅନେକ ଜିଲ୍ଲାରେ ଏହି ରହସ୍ୟମୟ ଜ୍ୱରର ପ୍ରକୋପ ବଢିବାରେ ଲାଗିଛି । ଗଣମାଧ୍ୟମର ରିପୋର୍ଟ ମୁତାବକ ଏବେ ୟୁପିର ରାଜଧାନୀ ଲକ୍ଷ୍ନୌ, ଆଗରା, ମଥୁରା, ମୈନପୁରୀ, ଏଟା, କାସଗଞ୍ଜ ଫିରୋଜାବାଦ ଜିଲ୍ଲାରେ ସବୁଠାରୁ ଅଧିକ ଲୋକ ଏହି ଜ୍ୱରରେ ଆକ୍ରାନ୍ତ ହୋଇଛନ୍ତି । ଏହି ଜ୍ୱର ବିଶେଷ ଭାବେ ଛୋଟ ପିଲାମାନଙ୍କୁ ହେଉଥିବା ଦେଖିବାକୁ ମିଳିଛି । ଏଭଳି ସୂଚନା ପାଇବା ପରେ ଦୁଇଦିନ ପୂର୍ବରୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୁଦାମାନଗର ଅଞ୍ଚଳ ପରିଦର୍ଶନ କରି ସ୍ୱାସ୍ଥ୍ୟ ବିଭାଗକୁ ସଫା ସୂତରା ଓ ରୋଗୀମାନଙ୍କୁ ସଠିକ ଚିକିତ୍ସା କରିବାକୁ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି କରୋନା ମହାମାରୀ ଚାଲିଥିବା ଭିତରେ ୟୁପିର ଏକ ରହସ୍ୟମୟ ଜ୍ୱର କାୟା ବିସ୍ତାର କରିବାରେ ଲାଗିଛି । ଏହି ଜ୍ୱରରେ ବିଶେଷ ଭାବେ ଛୋଟ ପିଲାମାନେ ଆକ୍ରାନ୍ତ ହେଉଥିବା ଦେଖିବାକୁ ମିଳିଛି । ଏହି ଜ୍ୱରର କାରଣ ଓ ଏହା ପଛରେ ଥିବା ଭୂତାଣୁ ସଂପର୍କରେ ୟୁପି ସ୍ୱାସ୍ଥ୍ୟ ବିଭାଗ କିଛି ସ୍ପଷ୍ଟ କରିନଥିବା ବେଳେ ଜ୍ୱରରେ ୧୦୦ ରୁ ଅଧିକ ଲୋକଙ୍କର ଜୀବନ ଗଲାଣି । ବିଶେଷ ଭାବେ ଲକ୍ଷ୍ନୌରେ ଦୈନିକ ଏହି ଜ୍ୱରରେ ଆକ୍ରାନ୍ତ ହୋଇ ୧୦୦ ରୁ ଅଧିକ ଲୋକ ବିଭିନ୍ନ ମେଡିକାଲରେ ଭର୍ତ୍ତି ହେଉଛନ୍ତି ।
ଫିରୋଜାବାଦ ଓ ମଥୁରାରେ ଏହି ଜ୍ୱରରେ ସଂକ୍ରମିତ ହୋଇ ଶିଶୁମାନଙ୍କର ମୃତ୍ୟୁ ହେଉଥିବା ବେଳେ ଏହାର ଯାଂଚ ପାଇଁ କେନ୍ଦ୍ର ସରକାରଙ୍କର ଏକ ଟିମ୍ ଫିରୋଜାବାଦରେ ପହଂଚିଛନ୍ତି । ରାଷ୍ଟ୍ରୀୟ ରୋଗ ନିୟନ୍ତ୍ରଣ କେନ୍ଦ୍ର (ଏନସିଡିସି) ଓ ରାଷ୍ଟ୍ରୀୟ ଭେକ୍ଟର ଜନିତ ରୋଗ ନିୟନ୍ତ୍ରଣ କାର୍ଯ୍ୟକ୍ରମ (ଏନଭିବିସିଡିପି) ର ୫ ଜଣିଆ ଟିମ୍ ଫିରୋଜାବାଦର ବିଭିନ୍ନ ସ୍ଥାନରୁ ଲୋକଙ୍କ ନମୂନା ସଂଗ୍ରହ କରିଛି । ଏହି ନମୂନାର ଯାଂଚ ପରେ ଜଣାପଡି ଯେ ପ୍ରକୃତରେ ଜ୍ୱର ପଛରେ କ’ଣ ରହିଛି କାରଣ ।