ମାଲକାନଗିରି ଏମଭି-୭୫ ଗାଁରେ ଅଜଣାରୋଗର ଆତଙ୍କ । ଅନେକ ଲୋକ ଗୁରୁତର, କାମ କରୁନି ଔଷଧ
ଦିଶାରୀ ପାଲଟିଛନ୍ତି ସାହାରା;ଡାକ୍ତର କରୁଛନ୍ତି ପରୀକ୍ଷାନୀରିକ୍ଷା
କନକ ବ୍ୟୁରୋ: ମାଲକାନଗିରି ଜିଲ୍ଲା ଏମ୍.ଭି –୭୫ ଗାଁରେ ଅଜଣା ରୋଗର ଭୟ । ଅଚାନକ ଲୋକଙ୍କ ଦେହମୁଣ୍ଡ ଜଳା ପୋଡା ହେବା ପରେ ପକ୍ଷାଘାତ ହୋଇ ଶରୀର ଗୋଟିଏ ଅଂଗ ଅଚଳ ହୋଇ ପଡୁଛି । ଏପରି ଅଜଣା ରୋଗରେ ପୀଡିତ ହୋଇ ଗତ ୭ ତାରିଖରେ ସୁଧୀର ନନ୍ଦି ନାମକ ଜଣେ ୧୭ ବର୍ଷୀୟ ଯୁବକ ପ୍ରାଣ ହରାଇ ଥିବା ମଧ୍ୟ ଅଭିଯୋଗ ହୋଇଛି । ଗତ ଏକ ସପ୍ତାହ ଧରି ଏମ.ଭି –୭୫ ଗାଁରେ ଏପରି ଅଜଣା ରୋଗର ଆତଙ୍କ ଲାଗି ରହି ଥିବା ବେଳେ ଏବେ ବି ଗାଁରେ ୧୫ ରୁ ଅଧିକ ଲୋକ ଏପରି ଯନ୍ତ୍ରଣା ଭୋଗୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡାକ୍ତରଖାନାରେ ରକ୍ତ ନମୁନା ପରୀକ୍ଷା କରାଇ ଥିଲେ ହେଁ ରକ୍ତ ନମୁନା ଠିକ ଠାକ ରହି ଥିବା ଜଣା ପଡିଛି । ଔଷଧ ପତ୍ର ମଧ୍ୟ କାମ କରୁ ନଥିବା ବେଳେ ଲୋକେ ଏକ ପାଖ ଗାଁର ଦିଶାରୀଙ୍କ ଠାରୁ ଗୁଣି ଗାରେଡି କରି ଦେଶୀ ଔଷଧ ଉପରେ ଭରଷା କରିଛନ୍ତି ଲୋକେ । ଅନ୍ୟପଟେ ଗାଁ ରେ କାଲିମେଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଏକ ଡାକ୍ତରୀ ଦଳ ପହଁଂଚି ପରୀକ୍ଷା ନୀରିକ୍ଷା ଜାରି ରଖିଛନ୍ତି । ଏହା ଗ୍ରାମବାସୀଙ୍କ ମନରୋଗ ବୋଲି କାଲିମେଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ କହୁ ଥିବା ବେଳେ କୋରାପୁଟ ମେଡିକାଲ କଲେଜର ଏକ ଡାକ୍ତରୀ ଟିମ ପହଁଚି ଅଧିକ ଅନୁଧ୍ୟାନ କରିବେ ବୋଲି କହିଛନ୍ତି ।