ଏମିତି ଏକ ସ୍ଥାନ ଯେଉଁଠି ତରଭୁଜର କିଲୋପିଛା ଦର ୧୦ହଜାର ଟଙ୍କା ! ଜାଣନ୍ତୁ କଣ ରହିଛି ରହସ୍ୟ ।
ଭାରତରେ ଆଜିକାଲି ତରଭୁଜ ଏବଂ ଖରଭୁଜର ଚାହିଦା ଦେଖିବାକୁ ମିଳୁଛିି । ଏହି ରୁତୁରେ ଏହି ଫଳ ଗୁଡିକର ଦାମ କିଲୋଗ୍ରାମ ପିଛା ୪୦ ରୁ ୮୦ ଟଙ୍କା ବିକ୍ରି ହୋଇଥାଏ । କିନ୍ତୁ ଜାପାନରେ ସମ୍ପୂର୍ଣ୍ଣ ଭାବରେ ଏହାର ବିପରିତ । ଭାରତରେ ୪୦ ରୁ ୮୦ ଟଙ୍କା ଥିବା ବେଳେ ଜାପାନରେ କିଲୋଗ୍ରାମ ପିଛା ୬ ହାଜାରରୁ ୧୦ ହଜାର ଟଙ୍କା ପର୍ଯ୍ୟନ୍ତ ବିକ୍ରି ହୋଇଥାଏ । ଜାପାନରେ ଖରଭୁଜକୁ ଏକ ବିଳାଶମୟ ଫଳ ଭାବରେ ବ୍ୟବହାର କରାଯାଇଥାଏ । କେବଳ ଖରଭୁଜ ନୁହେଁ ଜାପାନରେ ମିଳୁଥିବା ସମସ୍ତ ଫଳ ଗୁଡିକର ଦାମ ଖୁବ ଅଧିକ ।
Kanak News is now on WhatsApp
Join and get latest news updates delivered to you via WhatsApp
ଭାରତରେ ପରମ୍ପରା ରହିଛି, ଯଦି କୌଣସି ବନ୍ଧୁ ଘରକୁ ଆସନ୍ତି ତେବେ ସେମାନେ ପରମ୍ପରା ଦୃଷ୍ଟିରୁ ମିଠା କିମ୍ବା ଅନ୍ୟାନ୍ୟ ଦାମି ଜିନିଷ ଆଣିଥାନ୍ତି । ସେହିପରି ଜାପାନରେ ବନ୍ଧୁ ଘରକୁ ଆସିଲେ ତରଭୁଜ ଏବଂ ଅନ୍ୟାନ୍ୟ ଫଳ ଆଣି ଆସିଥାନ୍ତି । ଏବେ ଆପଣମାନେ ଭାବୁଥିବେ ଜାପାନରେ ଏପରି କଣ ଅଛି ଯେ, ସେଠାରେ ଫଳ ଦର ଦାମ ଏତେ ଅଧିକ ? ତେବେ ଆସନ୍ତୁ ଜାଣିବା ।
ପ୍ରକୃତରେ ସେଠାକାର କୃଷକ ମାନେ ଫଳର ଆକାରକୁ ନେଇ ବେସ ଧ୍ୟାନ ଦେଇଥାନ୍ତି । ଯଦି ଫଳ ଠିକ ଆକାରର ହୋଇନଥିବ ତେବେ ସେମାନେ ସେହି ଫଳକୁ ବ୍ୟବହାରରେ ଲଗାଇ ନଥାନ୍ତି । ଉଦାହରଣ ସ୍ୱରୁପ ଜାପାନରେ ଖରଭୁଜକୁ ସର୍ବଶ୍ରେଷ୍ଠ ଫଳ ମାନନ୍ତି । ତେଣୁ ଏହାର ଆକାର ସମ୍ପୁର୍ଣ୍ଣ ଭାବରେ ଗୋଲ ହେବା ଆବଶ୍ୟକ । ଯଦି ଏହାର ଆକାରରେ ଟିକେ ଏପଟ ସେପଟ ହୁଏ ତେବେ ଏହା ବ୍ୟବହାର ଉପଯୋଗୀ ରହେନାହିଁ । ଏଥି ସହିତ ଆକାର ଅନୁଯାୟୀ ଓଜନ ମଧ୍ୟ ଠିକ ରହିବା ଆବଶ୍ୟକ । ତେବେ ଏଥିରୁ ସ୍ପଷ୍ଟ ହେଉଛି ଜାପାନରେ ହେଉଥିବା ସବୁ ଖରଭୁଜ ଗୋଲ ହୋଇନଥାଏ । ତେଣୁ ଢେର ସାରା ଖରଭୁଜ ଏବଂ ତରଭୁଜ ଆକାର ଠିକ ନହେବା କାରଣରୁ ନଷ୍ଟ କରିଦିଆଯାଏ । ଯାହା ଫଳରେ ଏହି ଫଳ ଗୁଡିକର ଦର ଦାମ ଅଧିକ ହୋଇଥାଏ । ବେଳେ ବେଳେ ଏପରି ମଧ୍ୟ ଶୁଣାଯାଇଛି ଯେ, ଜାପାନରେ ଏହି ମୂଲ୍ୟବାନ ଫଳକୁ ନେଇ ନିଲାମ ମଧ୍ୟ ଡକାଯାଇଥାଏ । ନିଲାମରେ ଡକାଯାଉଥିବା ତରଭୁର ଓ ଖରଭୁଜର ଦାମ ଏତେ ଅଧିକ ହୋଇଥାଏ କି ସେହି ଦାମରେ ଭାରତର ଚାଷି ଏକର ଏକର ଜମିରେ ଏହି ଫଳ ଉତ୍ପାଦନ କରିପାରିବେ ।