କନକ ବ୍ୟୁରୋ : ୟୁଟ୍ୟୁବରେ ରିଲିଜ୍ ହୋଇଛି ଓଡିଶା ରାଜଧାନୀ ଭୁବନେଶ୍ୱରକୁ ନେଇ ଏକ ମ୍ୟୁଜିକ୍ ଭିଡିଓ- ଆମେ ଭୁବନେଶ୍ୱରିଆ । ମନ୍ଦିରମାଳିନୀ ସହରର କଳା, ସଂସ୍କୃତିର ଝଲକ ଦେଖିବାକୁ ମିଳିଛି ଏହି ଭିଡିଓରେ । ଦେଶର ନମ୍ବର ୱାନ୍ ସ୍ମାର୍ଟ ସିଟିର ଜୀବନଶୈଳୀକୁ ଖୁବ୍ ନିଖୁଣ ଭାବେ ଉପସ୍ଥାପନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଏବେ ଶିକ୍ଷାର ହବ୍ ହୋଇଥିବା ବେଳେ ସଂଧ୍ୟାରେ ସାଙ୍ଗସାଥିର ଖଟିର ମଜା ନେବାକୁ ବି କେହି ଭୁଲନ୍ତି ନାହିଁ । ଏସବୁ ଦୃଶ୍ୟ ଗୋଟି ଗୋଟି କରି ସଜା ହୋଇଛି ଏହି ଭିଡିଓରେ । ଏହାକୁ ପ୍ରସ୍ତୁତ କରିଛନ୍ତି ଲାଇଭେରା ମିଡିଆ । ନିର୍ଦ୍ଦେଶନା ଦେଇଛନ୍ତି ନନ୍ଦିତା ।
ମ୍ୟୁଜିକ ଭିଡିଓର ଗୀତ ଲେଖିଛନ୍ତି ଭରଦ୍ୱାଜ ପଣ୍ଡା ଏବଂ ସଂଗୀତରେ ସଜାଇବା ସହ କଣ୍ଠଦେଇଛନ୍ତି ଦିବଂଗତ ବିଶିଷ୍ଟ କଣ୍ଠଶିଳ୍ପୀ ସିକନ୍ଦର ଆଲାମଙ୍କ ଝିଅ ନାଜିଆ ଆଲମ । ତାଙ୍କ ସଂଗୀତ ନିର୍ଦ୍ଦେଶନାରେ ଓଡିଶାର ପରଂପରା ଓ ଶାସ୍ତ୍ରୀୟତାର ଝଲକ ବାରି ହୋଇପଡୁଛି । ରିଲିଜର ମାତ୍ର ତିନି ଦିନରେ ଏହାକୁ ୪୭ ହଜାରରୁ ଅଧିକ ଲୋକ ଦେଖିସାରିଲେଣି । ରାଜ୍ୟ ଓ ଦେଶ ବାହାରେ ଥିବା ଓଡିଆ ଏହି ଭିଡିଓକୁ ନେଇ ବେଶ୍ ଉତ୍ସାହିତ ଅଛନ୍ତି ।