ରାୟଗଡାର ଉଚ୍ଚ ଶିକ୍ଷିତ ଦମ୍ପତିଙ୍କୁ ସ୍ୱାବଲମ୍ବୀ କରିଛି ଛତୁ ଚାଷ । ଦିନକୁ ଉତ୍ପାଦନ ହେଉଛି ୪ରୁ ୫ହଜାର ଟଙ୍କାର ଛତୁ
କନକ ବ୍ୟୁରୋ : ରାୟଗଡା ପଦ୍ମପୁର ଅନ୍ତର୍ଗତ ନୂଆସାହିର ଦମ୍ପତି ଶ୍ରୀଖଣ୍ଡ ମଣ୍ଡନ ସାହୁ ଓ ସାବିତ୍ରୀ ସାହୁ । ଦୁହେଁ ଗ୍ରାଜୁଏଟ୍ । ସ୍ୱାମୀ ବିଭିନ୍ନ ବେସରକାରୀ ସଂସ୍ଥାରେ ଚାକିରି କରି ଭଲ ଦରମା ପାଉଥିଲେ । କିନ୍ତୁ ନିଜସ୍ୱ ଉଦ୍ୟମରେ କିଛି ରୋଜଗାର କରିବା ଆଶାରେ ଆରମ୍ଭ କଲେ ଛତୁ ଚାଷ । ମାର୍କେଟରେ ଛତୁର ଚାହିଦା ରହିଥିବାରୁ କିଛି ରୋଜଗାର ଆଶାରେ ଏହି ଚାଷକୁ ଆପଣାଇଛନ୍ତି । ଛତୁ ଚାଷ ପାଇଁ ଆବଶ୍ୟକୀୟ ବିହନ ବ୍ରହ୍ମପୁର ଓ ଗୁଣୁପୁର ସ୍ଥିତ ଗାନ୍ଧୀ ବିଶ୍ୱ ବିଦ୍ୟାଳୟରୁ ଆଣି ଛତୁ ଚାଷ ଆରମ୍ଭ କରିଛନ୍ତି ଏହି ଦମ୍ପତି । ବର୍ତମାନ ତାଙ୍କ ଫାର୍ମରେ ୭୦୦ରୁ ଉଦ୍ଧ୍ୱର୍ ବେଡ ଛତୁ ଚାଷ ପାଇଁ ପ୍ରସ୍ତୁତ ହୋଇରହିଥିବା ବେଳେ ଦୈନିକ ୧୫ କିଲୋରୁ ଉର୍ଦ୍ଧ ଛତୁ ଉତ୍ପାଦିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀ ସ୍ତ୍ରୀ ଦୁହେଁ ଏହି ଚାଷ କାମରେ ମନନିବେଶ କରିଥିବା ବେଳେ ଅନ୍ୟ ଦୁଇ ଜଣଙ୍କୁ ଏହି କାମରେ ନିୟୋଜିତ କରିଛନ୍ତି । ଉତ୍ପାଦିତ ହେଉଥିବା ଛତୁ ସ୍ଥାନୀୟ ବଜାରରେ ବିକ୍ରି କରୁଛନ୍ତି ଏହି ଦମ୍ପତି । ଏପରିକି ତାଙ୍କ ଘର ନିକଟରୁ ବ୍ୟବସାୟୀ ଓ ଗ୍ରାହକ ମାନେ ଆସି କିଣି ନେଉଛନ୍ତି । ସ୍ତ୍ରୀ ସାବିତ୍ରୀ ଘର କାମ ସାରି ଛତୁ ଫାର୍ମରେ ଛତୁ ତୋଳିବା ଠାରୁ ଆରମ୍ଭ କରି ବିକ୍ରୀ ବଟାରେ ସ୍ୱାମୀଙ୍କୁ ସହାୟତା କରଛନ୍ତି । କର୍ମଚାରୀ ମାନେ ଘର ପାଖରେ କାମ ମିଳୁଥିବାରୁ ବେଶ ଖୁସି ପ୍ରକାଶ କରିଛନ୍ତି ।
ଚାକିରି ପଛରେ ଗୋଡାଇ ଚାଷରୁ ମୁହଁ ଫେରାଇଉଥିବା ଯୁବ ଗୋଷ୍ଠୀଙ୍କ ପାଇଁ ଏହି ଦମ୍ପତିଙ୍କ ପ୍ରୟାସ ନିଶ୍ଚୟ ପ୍ରେରଣାଦାୟୀ ।