ରାଜଧାନୀ ରାଜରାସ୍ତାରେ ଗଡିଲା ମୁଣ୍ଡ । ଦିନ ଦ୍ୱିପହରରେ ଖଣ୍ଡା ଧରି ମିଠା ଦୋକାନୀକୁ ହାଣିଲେ ଦୁର୍ବୃତ୍ତ । ସବୁ ଦେଖିଲା ସିସିଟିଭି । ଭଲ ମିଠା ବନାଉଥିବାରୁ ଭୟଙ୍କର ହତ୍ୟା ।
କନକ ବ୍ୟୁରୋ: ସ୍ପଷ୍ଟ ଦିବାଲୋକରେ ଗଡ଼ିଲା ମୁଣ୍ଡ । ରାଜଧାନୀ ରାଜରାସ୍ତାରେ ବିଭତ୍ସ ହତ୍ୟାକାଣ୍ଡ । ସିସିଟିଭି କ୍ୟାମେରାରେ କଏଦ ହୋଇଥିବା ଚିତ୍ର କାହାରିବକୁ ବି ଭୟଭୀତ କରିବ, ଆତଙ୍କିତ କରିବ । ଲମ୍ବା ଖଣ୍ଡାଟିଏ ଧରି ଗୋଡ଼ାଉଛି ଦୁର୍ବୃତ ଏବଂ ଜୀବନ ବିକଳରେ ଧାଉଁଛି ଆଉ ଜଣେ ବ୍ୟକ୍ତି । ଅପରାହ୍ନ ପ୍ରାୟ ସାଢ଼େ ୩ଟା ବେଳେ ଲୋକଙ୍କ ସାମ୍ନାରେ ଘଟିଥିଲା ଏହି ଘଟଣା । ଗୋଡାଇ ଗୋଡାଇ ହାଣିବାକୁ ଉଦ୍ୟମ କରିବାରେ ବିଫଳ ହେବା ପରେ ବାଇକରେ ଖଣ୍ଡା ଧରି ଗୋଡ଼ାଇଥିଲେ ଦୁର୍ବୃତ । ଆଉ ଏହାର କିଛି ସମୟରେ ଯେଉଁ ଚିତ୍ର ଆସିଲା, ତାହା ଚକିତ କରିଥିଲା । ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତା ଉପରେ ଆଖି ବୁଜି ଦେଇଛନ୍ତି ମିଠା କାରିଗର ଜମ୍ମୁ ସାହୁ ।
Kanak News is now on WhatsApp
Join and get latest news updates delivered to you via WhatsApp
ମୃତ ଜମ୍ମୁ ସାହୁଙ୍କ ଅଭିଯୋଗ ଅନୁସାରେ, ମିଠା ଦୋକାନକୁ ନେଇ କିଛି ଦିନ ହେଲା ଦୁଇ ଦୋକାନୀଙ୍କ ମଧ୍ୟରେ ଶତ୍ରୁତା ଥିଲା । ପୂର୍ବରୁ ଏହାକୁ ନେଇ ଗଣ୍ଡଗୋଳ ହେବା ପରେ ପୁଲିସକୁ ଅବଗତ ମଧ୍ୟ କରାଯାଇଥିଲା । ସେହି ସମୟରେ ବୁଝାବୁଝି ପରେ ସ୍ଥିତି ଶାନ୍ତପଡ଼ିଥିଲା । ହେଲେ, ଆଜି ସବୁ ସୀମା ଟପିଯାଇଥିଲା ଯେତେବେଳେ ଦୁଇ ଜଣ ବ୍ୟକ୍ତି ଖଣ୍ଡାଧରି ଜମ୍ମୁ ସାହୁଙ୍କୁ ମାରିବା ପାଇଁ ଗୋଡାଇଥିଲେ ।
ମୃତ ବ୍ୟକ୍ତିଙ୍କ ପତ୍ନୀ ବଳରାମ ବେହେରା ଓ ଦିଲୁ ବେହେରାଙ୍କ ନାଁ ନେଇଛନ୍ତି । ଏପଟେ ହତ୍ୟାକାଣ୍ଡ ପରେ ସ୍ଥାନୀୟ ଅଂଚଳରେ ଲୋକ ପ୍ରତିବାଦ କରିବା ସହ ବେଶ କିଛି ସମୟ ଧରି ରାସ୍ତା ରୋକ୍ କରିଥିଲେ ।