କନକ ବ୍ୟୁରୋ : ସବୁଦିନ ପରି ସେଦିନ ମଧ୍ୟ ଚଚଚଂଚଳ ଥିଲା ମାୟାନଗରୀ ମୁମ୍ବାଇ । ସବୁ କିଛି ସ୍ୱାଭାବିକ ଥାଏ । ହଠାତ ଗୁଳିବର୍ଷାରେ କମ୍ପିଉଠିଥିଲା ପ୍ୟାଲେସ ତାଜ୍ ପରିସର । ଭୟର ଶବ୍ଦ, ବିକଳ ଚିତ୍କାର , ଏଣେତେଣେ ପ୍ରାଣବିକଳରେ ଦୌଡୁଥିବା ଲୋକମାନେ,କେଉଁଠି ଶବ ପଡିଥାଏ ତ ପୁଣି କେଉଁଠି ଗୁଳିମାଡରେ ଛଟପଟ ହେଉଥାନ୍ତି ନିରୀହ ଲୋକ । ରାତିର ସେହି ନିର୍ଜନତା ଲୋମ ଟାଙ୍କୁରା ଘଟଣା ଘଟେ । ଆଉ ସେ ଛାତିଥରା କାଳରାତ୍ରି କଥା ମନେ ପଡ଼ିଲେ ଆଜି ବି ଦେଶବାସୀଙ୍କ ଆଖିରୁ ଲୁହ ଝରିପଡେ । ମୁମ୍ବାଇର ପ୍ରସିଦ୍ଧ ତାଜ୍ ହୋଟେଲକୁ ରକ୍ତରଂଜିତ କରିଥିଲେ ବିଦେଶୀ ଆତଙ୍କବାଦୀ । ୧୦ଜଣ ଆତଙ୍କବାଦୀ ସମୁଦ୍ରବାଟ ଦେଇ ବାଣିଜ୍ୟନଗରୀ ମୁମ୍ବାଇରେ ଅନୁପ୍ରବେଶ କରିଥିଲେ ଓ ଷଡଯନ୍ତ୍ର ମୁତାବକ ଆଖିବୁଜା ଆକ୍ରମଣ କରିଥିଲେ । ଶରୀରରେ ଶିହରଣ ସୃଷ୍ଟି ଯେତେବେଳେ ଆକ୍ରମଣର କଳା ଛବି ସାମ୍ନାକୁ ଆସିଯାଏ । ପାକିସ୍ଥାନର କରାଚୀରୁ ଆସିଥିବା ସମସ୍ତ ୧୦ ଆତଙ୍କୀ ଗୋଟିଏ ନୈାକାରେ ସମୁଦ୍ର ଦେଇ ଆସିଥିଲେ । । ଆକ୍ରମଣରେ ମୋଟ ୧୬୦ରୁ ଉଦ୍ଧ୍ୱର୍ ଲୋକଙ୍କ ଜୀବନ ଯାଇଥିବାବେଳେ ୩୦୦ରୁ ଅଧିକ ଲୋକ ଗୁରୁତର ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତାଜ ହୋଟେଲ ଉପରେ ଆକ୍ରମଣ ପରେ ପରେ ଆତଙ୍କବାଦୀଙ୍କ ଦ୍ୱିତୀୟ ଲକ୍ଷ୍ୟ ଥିଲା ଛତ୍ରପତି ଶିବାଜୀ ଟର୍ମିନାଲ ରେଲୱେ ଷ୍ଟେସନ । ଯେଉଁଠାରେ ପହଁଚି ଆତଙ୍କୀମାନେ ଭୟଙ୍କର ଗୁଳିଚାଳନା କରିଥିଲେ । କେବଳ ଏତିକି ନୁହେଁ ସେହି ରାତି ମୁମ୍ବାଇର ବହୁ ନାମୀଦାମୀ ସ୍ଥାନରେ ଆକ୍ରମଣ ହୋଇଥିଲା । ସେଥିମଧ୍ୟରେ ତାଜ ହୋଟେଲ , ଔବରୟ ଟ୍ରାଇଣ୍ଡେଟ ହୋଟେଲ , ନରୀମନ ହାଉସ , ଲିଓପେଡ଼ କେଫ ଆଦି ସାମିଲ ଥିଲେ । ନଭେମ୍ବର ୨୬ରୁ ୨୯ ତାରିଖ ୩ଦିନ ଧରି ଚାଲିଥିବା ଅପରେସନ ଟର୍ଣ୍ଣାଡୋ । ଘଟଣାରେ ଭାରତୀୟ ଯବାନମାନଙ୍କ ଦ୍ୱାରା ୯ ଜଣ ଆତଙ୍କୀ ନିହତ ହୋଇ୍ଥିଲେ ଏବଂ ଜଣେ ଆତଙ୍କୀ ଅଜମଲ କସାବଙ୍କୁ ଜୀବିତ ଗିରଫ କରାଯାଇଥିବାବେଳେ ୨୦୧୨ ନଭେମ୍ବର ୨୧ରେ ଫାସି ଦିଆଯାଇଥିଲା । ବୀର ସହିଦଙ୍କୁ ସମ୍ମାନ ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରପତି ଦ୍ରୈାପଦୀ ମୁର୍ମୁ ,ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଆଦି ଶ୍ରଦ୍ଧାଂଜଳି ଅର୍ପଣ କରିଛନ୍ତି ।
୨୬/୧୧ ଦେଶର ଇତିହାସରେ ସବୁଠୁ ବଡ କଳାଦିନ ଭାବେ ଗଣାଯାଏ । ସେପଟେ ଘଟଣାରେ ସହିଦ ହୋଇଥିବା ସହିଦଙ୍କ ବଳିଦାନକୁ ଦେଶ ଓ ଦେଶବାସୀ କେବେବି ଭୁଲି ପାରିବେନି ।