କୋଲକାତାକୁ ମାତ୍ ଦେଲା ମୁମ୍ବାଇ । ବ୍ୟାଟିଂ ବିପର୍ଯ୍ୟୟ ପରେ ହାରିଲା କେକେଆର୍ । ଟୁର୍ଣ୍ଣାମେଣ୍ଟରେ ପ୍ରଥମ ବିଜୟର ସ୍ବାଦ ଚାଖିଲା ରୋହିତ ବାହିନୀ ।
କନକ ବ୍ୟୁରୋ: ଏକ ରୋମାଞ୍ଚକର ମ୍ୟାଚରେ ଆଜି କୋଲକାତାକୁ ମାତ୍ ଦେଇଛି ମୁମ୍ବାଇ । ପ୍ରଥମ ଇଂନିସରେ ମୁମ୍ବାଇ ୧୫୨ ରନରେ ଅଲଆଉଟ୍ ହେବା ପରେ କୋଲକାତା ଦ୍ବିତୀୟ ଇଂନିସରେ ବିଜୟ ଲକ୍ଷ୍ୟଠୁ ୧୦ ରନ ପଛରେ ପଡିଯାଇଛି । କେକେଆର୍ ପକ୍ଷରୁ ଦୁଇ ଓପନର ନିତିଶ ରାଣା ଓ ଶୁଭମନ ଗିଲ ଚମତ୍କାର ବ୍ୟାଟିଂ କରିଥିଲେ ମଧ୍ୟ ଦଳ ଏହି ମ୍ୟାଚରେ ପରାଜୟ ଭାେଗିଛି।
Kanak News is now on WhatsApp
Join and get latest news updates delivered to you via WhatsApp
ଆଜି କୋଲକାତା ଅଧିନାୟକ ଇଆନ୍ ମୋର୍ଗାନ ପ୍ରଥମେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ । ଏହାପରେ ବ୍ୟାଟିଂ କରିବାକୁ ପଡିଆକୁ ଓହ୍ଲାଇଥିଲା ମୁମ୍ବାଇ ଇଣ୍ଡିଆନ୍ସ । ରୋହିତ- ଡି କକ୍ ଯୋଡି ପୁଣିଥରେ ପଡିଆକୁ ଓହ୍ଲାଇଥିଲେ । ହେଲେ ସେତେଟା ସଫଳ ହୋଇପାରିନଥିଲେ । ଡି କକ୍ ଦଳୀୟ ସ୍କୋର ୧୦ ରନ ଥିବାବେଲେ ପ୍ୟାଭିଲିୟନ ଫେରିଥିଲେ । ଏହାପରେ ସୂର୍ଯ୍ୟକୁମାର କିଛି ସମୟ ପାଇଁ ରନର ଗତି ଆଗକୁ ବଢାଇଥିଲେ ବି ଦଳ ନିୟମିତ ୱିକେଟ୍ ହରାଇଥିଲା । କୋଲକାତା ପକ୍ଷରୁ ସଫଳ ବୋଲର ଭାବେ ଆନ୍ଦ୍ରେ ରସେଲ ୫ ୱିକେଟ୍ ସଫଳତା ପାଇଥିଲେ । ତାଙ୍କ ସହ ପାଟ୍ କମିନ୍ସ, ସକିବ ଓ ବରୁଣ ଚକ୍ରବର୍ତ୍ତୀ ମଧ୍ୟ ସଫଳତା ପାଇଥିଲେ । ଏବେ ଏହି ମ୍ୟାଚରେ ବିଜୟୀ ହେବାକୁ କୋଲକାତାକୁ ୧୫୩ ରନ କରିବାକୁ ହେବ ।
ଏହାପରେ ବ୍ୟାଟିଂ କରିଥିବା କୋଲକାତା ନିତିଶ ରାଣା ଓ ଶୁଭମନ ଗିଲଙ୍କ ଧୂଆଁଧାର ବ୍ୟାଟିଂ କରିଥିଲେ । ହେଲେ ଏହି ଦୁଇଜଣଙ୍କ ଓ୍ୱିକେଟ୍ ଯିବା ପରେ ଦଳ ଲକ୍ଷ୍ୟପଥରୁ ବିଚ୍ୟୁତ ହୋଇଥିଲା । ଶେଷ ଆଡକୁ ବୁମରା ଓ ବୋଲ୍ଟ ଜବରଦସ୍ତ ବୋଲିଂ କରିବା ସହିତ ଦଳକୁ ବିଜୟୀ କରାଇଥିଲେ ।