ଏନସିବି ହାତରେ ଅନନ୍ୟା ପାଣ୍ଡେଙ୍କ ହ୍ୱାଟ୍ସଆପ୍ ଚାଟ୍ । ଆରୟନ୍ ଖାନଙ୍କୁ କହିଥିଲେ, “ମୁଁ ଯୋଗାଡ କରିଦେବି…”
କନକ ବ୍ୟୁରୋ: ଆରୟନ ଖାନ ଡ୍ରଗ୍ସ ମାମଲାରେ ଏବେ ଏନସିବି ଘେରକୁ ଆସିଛନ୍ତି ବଲିଉଡ୍ ଅଭିନେତ୍ରୀ ଅନନ୍ୟା ପାଣ୍ଡେ । ଗତକାଲି ଏନସିବି ଜେରା ପରେ ଆଜି ମଧ୍ୟ ତାଙ୍କୁ ଏନସିବି ଜେରା କରିବ । ହେଲେ ଏହାରି ଭିତରେ ଅନନ୍ୟା ଓ ଆରୟନଙ୍କ ଭିତରେ ହୋଇଥିବା ହ୍ୱାଟ୍ସଆପ୍ ଚାଟ୍ ସାମ୍ନାକୁ ଆସିଛି । ଯେଉଁଥିରେ ଉଭୟଙ୍କ ଚାଟ୍ ଏନସିବି ଅଫିସରଙ୍କ ହାତରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଏନସିବି ଅଫିସରଙ୍କ ହାତରେ ଲାଗିଥିବା ଏହି ଚାଟ୍ ଆରୟନ ଖାନ ଡ୍ରଗ୍ସ ମାମଲାକୁ ନୂଆ ଦିଗ ଦେଇପାରେ ବୋଲି କୁହାଯାଉଛି । ତେବେ ଅନନ୍ୟାଙ୍କ ଫୋନ୍ ସିଜ୍ ହେବା ପରେ ଏନସିବିକୁ ଏହି ତଥ୍ୟ ମିଳିଛି । ସୂଚନା ମୁତାବକ, ୨୦୧୮ରୁ ୨୦୧୯ ଭିତରେ ଏହି ଚାଟ୍ ହୋଇଛି । ଯେଉଁଥିରେ ଅନନ୍ୟା ଓ ଆରୟନଙ୍କ ଭିତରେ ଗଞ୍ଜେଇକୁ ନେଇ କିଛି ଚାଟ୍ କରିଥିଲେ । ଏହି ଚାଟରେ ଆରୟନ, ଅନନ୍ୟାଙ୍କୁ ଗଞ୍ଜେଇ ଯୋଗାଡ କରିବାକୁ କହୁଛନ୍ତି । ଯାହାର ଉତ୍ତରରେ ଅନନ୍ୟା କହୁଛନ୍ତି , ହଁ ସେ ଖୁବଶୀଘ୍ର ଏହାକୁ ଯୋଗାଡ କରୁଛନ୍ତି ।
ଏହି ଚାଟକୁ ନେଇ ଗତକାଲି ଏନସିବି ଅଫିସର ଅନନ୍ୟା ପାଣ୍ଡେଙ୍କୁ ପ୍ରଶ୍ନ କରିଥିଲେ । ହେଲେ ଆରୟନ ଖାନଙ୍କ ସହିତ ଏହା ତାଙ୍କର ମଜାକ୍ ଥିଲା ବୋଲି କହିଥିଲେ ଅନନ୍ୟା ପାଣ୍ଡେ । ଏଥିସହିତ ତାଙ୍କ ଦୁହିଁଙ୍କ ଭିତରେ କେବଳ ସିଗାରେଟକୁ ନେଇ କଥାବାର୍ତ୍ତା ହୋଇଛି । ଯାହାକୁ ସେ ସ୍ୱୀକାର କରିଛନ୍ତି । ହେଲେ ଅନନ୍ୟା କଦାପି ଡ୍ରଗ୍ସ ନେଇନାହାଁନ୍ତି ବୋଲି ଏନସିବି ଆଗରେ ସଫେଇ ରଖିଛନ୍ତି । ଅନ୍ୟପଟେ ଏନସିବି ଅଫିସରଙ୍କ କହିବା ମୁତାବକ, ଏପର୍ଯ୍ୟନ୍ତ ଏହି ମାମଲାରେ ଅନନ୍ୟା ପାଣ୍ଡେଙ୍କ ବିରୋଧରେ ସେଭଳି କୌଣସି ସଠିକ୍ ପ୍ରମାଣ ମିଳିପାରିନି । ଯେଉଁଥିରୁ କୁହାଯାଇପାରିବ, ଅନନ୍ୟା ପାଣ୍ଡେ କେବେ ଆରୟନଙ୍କ ପାଇଁ ଡ୍ରଗ୍ସ ଯୋଗାଡ କରିଥିଲେ । ତେବେ ଆଜି ମଧ୍ୟ ଅନନ୍ୟା ପାଣ୍ଡେଙ୍କ ଜେରା ହେବାକୁ ଯାଉଛି । ଯେଉଁଥିରେ କିଛି ନୂଆ ତଥ୍ୟ ମଧ୍ୟ ସାମ୍ନାକୁ ଆସିପାରେ ।