ମୁମ୍ବାଇରେ କରୋନା ସତର୍କତା : ସର୍ବସାଧାରଣ ସ୍ଥାନରେ ଛେପ ପକାଇବା ପଡିଲା ମହଙ୍ଗା , ଗୋଟିଏ ଦିନରେ ୧ ଲକ୍ଷ ୧୧ ହଜାର ଟଙ୍କା ଆଦାୟ କଲା ବିଏମସି

540

ଦେଶରେ କରୋନା ଭାଇରସରେ ଆକ୍ରାନ୍ତଙ୍କ ସଂଖ୍ୟାକୁ ଦେଖି ମୁମ୍ବାଇରେ ବିଏମସି ପକ୍ଷରୁ ସଫେଇ ଉପରେ ଅଧିକ ଗୁରୁତ୍ୱ ଦିଆଯାଉଛି । ମୁମ୍ବାଇରେ ସର୍ବସାଧାରଣ ସ୍ଥାନରେ ଛେପ ପକାଉଥିବା ଲୋକଙ୍କଠାରୁ ୧ ହଜାର ଟଙ୍କା ଜରିମାନା ଆଦାୟ କରୁଛି ବିଏମସି । ଏଥିପାଇଁ ମାର୍ସଲଙ୍କୁ ସତର୍କ ରହିବାକୁ ମଧ୍ୟ ଆଦେଶ ଦିଆଯାଇଛି । ଗୋଟିଏ ଦିନରେ ବିଏମସି ୧୧୧ ଲୋକଙ୍କ ଠାରୁ ୧ ଲକ୍ଷ ୧୧ ହଜାର ଟଙ୍କା ଜରିମାନା ଆଦାୟ କରିସାରିଛି ।


ବିଏମସି କମିଶନର୍ ପ୍ରବୀଣ ପରଦେଶୀଙ୍କ କହିବାନୁସାରେ , ଗହଳି ସ୍ଥାନରେ ଛେପ ପକାଇବା ଦ୍ୱାରା କରୋନା ବ୍ୟାପିବାର ଅଧିକ ଆଶଙ୍କା ଥାଏ । ସେଥିପାଇଁ ଲୋକଙ୍କୁ ଭୁତାଣୁରୁ ଦୂରେଇ ରଖିବା ପାଇଁ ଆମକୁ ଏଭଳି କଠୋର ନିଷ୍ପତ୍ତି ନେବାକୁ ପଡିଛି । ପ୍ରଥମେ ସର୍ବସାଧାରଣ ସ୍ଥାନରେ ଛେପ ପକାଇଲେ ଲୋକେ ୨୦୦ ଟଙ୍କା ଫାଇନ୍ ଦେଉଥିଲେ ବର୍ତ୍ତମାନ ଏହାକୁ ବଢାଇ ୧ ହଜାର ଟଙ୍କା କରାଯାଇଛି । ବୁଧବାର ପର୍ଯ୍ୟନ୍ତ ୧୧୧ ଜଣଙ୍କ ଠାରୁ ୧ ଲକ୍ଷ ୧୧ ହଜାର ଟଙ୍କା ଜରିମାନା ଆଦାୟ କରାଯାଇଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.