କନକ ବ୍ୟୁରୋ : ପଶ୍ଚିମବଙ୍ଗରେ ବିଜେପିର ପରାଜୟ ପରେ ଏବେ ଲାଗୁଛି ଯେମିତି ରାଜ୍ୟ ବିଜେପି ନେତାଙ୍କ ରାଗ ପଦାରେ ପଡୁଛି । ପଶ୍ଚିମବଙ୍ଗ ବିଜେପିର ବରିଷ୍ଠ ନେତା ମୁକୁଲ ରାୟଙ୍କ ପୁଅ ଶୁଭ୍ରାଂଶୁ ରାୟ ଏହାକୁ ନେଇ ବିଜେପିକୁ ସମାଲୋଚନା କରିଛନ୍ତି । ସେ ଫେସ୍ ବୁକ ପୋଷ୍ଟରେ ନିଜ ଦଳ ବିଜେପିକୁ ସମାଲୋଚନା କରିବା ସହ ମମତା ବାନାର୍ଜୀଙ୍କୁ ସମର୍ଥନ କରିଛନ୍ତି । ସେ ତାଙ୍କ ପୋଷ୍ଟରେ ଲେଖିଛନ୍ତି କି ଗୋଟିଏ ନିର୍ବାଚିତ ସରକାରକୁ ସମାଲୋଚନା କରିବା ପୂର୍ବରୁ ପଶ୍ଚିମବଙ୍ଗରେ ବିଜେପି କାହିଁକି ହାରିଲା ତାହାର ଆତ୍ମସମୀକ୍ଷା କରିବାର ଆବଶ୍ୟକତା ରହିଛି । ଶୁଭ୍ରାଂଶୁଙ୍କର ଏଭଳି ପୋଷ୍ଟ ପରେ ପଶ୍ଚିମବଙ୍ଗ ରାଜନୀତିରେ ହଟଚମଟ ସୃଷ୍ଟି ହୋଇଛି । କହିରଖୁ କି ଶୁଭ୍ରାଂଶୁ ରାୟ ୨୦୧୯ ରେ ଟିଏମସି ଛାଡି ବିଜେପିରେ ଯୋଗ ଦେଇଥିଲେ । ସେ ଚଳିତ ନିର୍ବାଚନରେ ବିଜାପୁର ଆସନରୁ ବିଜେପି ସମର୍ଥନରେ ପ୍ରାର୍ଥୀ ହୋଇଥିଲେ ବି ପରାଜିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ବାତ୍ୟା ୟାସର ହୋଇଥିବା କ୍ଷୟକ୍ଷତିର ଆକଳନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଶ୍ଚିମବଙ୍ଗ ଗସ୍ତରେ ଯାଇଥିବା ବେଳେ ମମତା ବାନାର୍ଜୀ ତାଙ୍କୁ ସମୟ ଦେଇନଥିଲେ । ଏହାପରେ ବିଜେପି ନେତାମାନେ ମମତା ବାନାର୍ଜୀଙ୍କୁ ଲଗାତର ଭାବେ ସମାଲୋଚନା କରିବାରେ ଲାଗିଛନ୍ତି ।
ଅନ୍ୟପଟେ ଏଭଳି ସମାଲୋଚନାର ଶିକାର ହେବାପରେ ମମତା ବାନାର୍ଜୀ ଏନେଇ ସଫେଇ ଦେଇଛନ୍ତି । ସେ କହିଛନ୍ତି କି, ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ବୈଠକରେ ବିରୋଧୀଦଳ ନେତା ଉପସ୍ଥିତ ରହିବା ପ୍ରୋଟୋକଲ ବାହାରେ । ଏହାସହ ପଶ୍ଚିମବଙ୍ଗ ସରକାରରେ ମୁଖ୍ୟ ଶାସନ ସଚିବ ଥିବା ଅଲପନ ବନ୍ଦୋପାଧ୍ୟାୟଙ୍କୁ କେନ୍ଦ୍ର ସରକାରଙ୍କ ଦିଲ୍ଲୀ ଡାକରାକୁ ଫେରସ୍ତ ନେବାକୁ ମମତା ବାନାର୍ଜୀ କେନ୍ଦ୍ରକୁ ଅନୁରୋଧ କରିଛନ୍ତି । ମମତା ଅଭିଯୋଗ ଆଣିଛନ୍ତି କି, ନିର୍ବାଚିତ ସରକାରକୁ ଅସ୍ଥିର କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହା ପଶ୍ଚିମବଙ୍ଗବାସୀଙ୍କ ସ୍ୱାର୍ଥରେ ବାଧା ସୃଷ୍ଟି କରୁଛନ୍ତି ।