କପିଲଦେବ ସିଂ ହତ୍ୟା ମାମଲାରେ ମୁଖତାର ଅନସାରୀକୁ ୧୦ ବର୍ଷ ଜେଲଦଣ୍ଡ । ୫ଲକ୍ଷ ଟଙ୍କା ଜରିମାନା

କନକ ବ୍ୟୁରୋ : ମାଫିଆ ମୁଖତାର ଅନସାରୀଙ୍କୁ ଗାଜିପୁର ଏମପି-ଏମଏଲଏ କୋର୍ଟ ଗ୍ୟାଙ୍ଗଷ୍ଟର ମାମଲାରେ ୧୦ ବର୍ଷ ଜେଲଦଣ୍ଡ ଶୁଣାଇଛନ୍ତି । କୋର୍ଟରେ ଦୋଷୀ ମୁଖତାର ଉପରେ ୫ ଲକ୍ଷ ଟଙ୍କାର ଜରିମାନା ମଧ୍ୟ ଲଗାଇଛନ୍ତି । ଏହି ମାମଲାରେ ଦ୍ୱିତୀୟ ଅଭିଯୁକ୍ତ ସୋନୁ ଯାଦବଙ୍କୁ ୫ ବର୍ଷ ଜେଲଦଣ୍ଡରେ ଦଣ୍ଡିତ କରାଯାଇଛି । ଏହାସହ ସୋନୁ ଯାଦବ ଉପରେ ୨ ଲକ୍ଷ ଟଙ୍କାର ଜରିମାନା ମଧ୍ୟ ଲଗାଯାଇଛି । ଏମପି-ଏମଏଲଏ କୋର୍ଟ ୨୬ ଅକ୍ଟୋବରରେ ମାଫିଆ ମୁଖତାରକୁ ଗ୍ୟାଙ୍ଗଷ୍ଟର ସହିତ ଜଡିତ ମାମଲାରେ ଦୋଷୀ ସାବ୍ୟସ୍ତ କରିଥିଲେ । ଏହି ମାମଲା ୨୦୧୦ ମସିହାର । ସେହି ସମୟରେ କରଣ୍ଡା ଥାନାରେ ମୁଖତାର ବିରୋଧରେ ଗ୍ୟାଙ୍ଗଷ୍ଟର ଆଇନରେ ଆଧାରରେ ମାମଲା ରୁଜୁ ହୋଇଥିଲା ।

Uttar Pradesh | Gangster-turned-politician Mukhtar Ansari awarded 10 years imprisonment and a fine of Rs 5 lakh by Ghazipur MP/MLA court in connection with a gangster case lodged against him in 2010 after the murder of one Kapil Dev Singh under Karanda police station limits of…

— ANI UP/Uttarakhand (@ANINewsUP) October 27, 2023

ସୂଚନା ଥାଉକି ଅକ୍ଟୋବର ୧୪ ତାରିଖରେ ମୁଖତାର ଅନସାରୀର ଗାଜିପୁର ଓ ମଓ ସ୍ଥିତ କିଛି ସମ୍ପତ୍ତି ଜବତ କରାଯାଇଥିଲା । ଆହ୍ଲାବାଦ ହାଇକୋର୍ଟରେ ମଧ୍ୟ ମୁଖତାର ଅନସାରୀଙ୍କ ଜାମିନ ଆବେଦନ ଉପରେ ଶୁଣାଣି ହୋଇଥିଲା । ୨୦୦୯ ରେ କପିଲଦେବ ସିଂ ହତ୍ୟା ମାମଲାରେ ପୂରା ଉତ୍ତର ପ୍ରଦେଶ ଥରି ଉଠିଥିଲା । କପିଲଦେବ ସିଂ ଜଣେ ଶିକ୍ଷକ ଥିଲେ । କୌଣସି ଏକ ମାମଲାକୁ ନେଇ ମୁଖତାର ଅନସାରୀ କପିଲଦେବ ସିଂଙ୍କୁ ହତ୍ୟା କରାଇଥିଲେ ।