ମୁକେଶ ଅମ୍ବାନୀଙ୍କ ସୁରକ୍ଷା କର୍ମୀଙ୍କ ସୌଖୀନ ଜୀବନ, ମୁକେଶ ଅମ୍ବାନୀ ନୁହେଁ ସୁରକ୍ଷା କର୍ମୀ ଚଳାଉଛନ୍ତି ୧୦ କୋଟି ଟଙ୍କାର କାର

କନକ ବ୍ୟୁରୋ : ଭାରତରେ ସବୁଠାରୁ ଧନୀବ୍ୟକ୍ତିଙ୍କ ମଧ୍ୟରେ ମୁକେଶ ଅମ୍ବାନୀ ଅନ୍ୟତମ । ତାଙ୍କ ପରିବାର ପାଖରେ ସରକାର ଯୋଗାଇ ଦେଇଥିବା ଜେଡ୍ ପ୍ଲସ ସୁରକ୍ଷା ବି ରହିଛି । ସେପଟେ ମୁକେଶ ଅମ୍ବାନୀଙ୍କ ପରିବାର ରହୁଥିବା ଆଣ୍ଟିଲିଆ ପରିସରରେ ଶହ ଶହ ମହଙ୍ଗା ସ୍ପୋର୍ଟସ୍ କାର ବି ରହିଛି । ଅନ୍ୟପଟେ ସୁରକ୍ଷାକର୍ମୀମାନେ ମୁକେଶ ଅମ୍ବାନୀଙ୍କୁ ଜେଡ ପ୍ଲସ ସୁରକ୍ଷା ଦେଇଥାନ୍ତି ସେତେବେଳେ ଅଧିକାରୀଙ୍କ ଦ୍ୱାରା ବ୍ୟବହାର କରାଯାଉଥିବା କାର ମୁକେଶ ଅମ୍ବାନୀଙ୍କ ଗାଡିକୁ କଭର ଦେବାରେ ସକ୍ଷମ ହୋଇନଥାଏ । ଏନେଇ ଅମ୍ବାନୀଙ୍କ ତରଫରୁ ଏକ ୧୦ କୋଟି ଟଙ୍କାର କାର ପ୍ରସ୍ତୁତ କରାଯାଇଛି । ଯାହାକି ତାଙ୍କୁ ସୁରକ୍ଷା ଦେବାରେ ସଫଳ ହେବ ।

ଧଳା ରଙ୍ଗର ମର୍ସିଡିଜ ବେଞ୍ଜ ଜି-୬୩ ଏସୟୁଭିଏସ କାର ଏବେ ଅମ୍ବାନୀଙ୍କ ପରିବାର ଲୋକଙ୍କ ସୁରକ୍ଷାରେ ଲାଗିଥିବା ନୂଆ କାର । ଏହି କାରର ଫିଚର ଏଭଳି ରହିଛି କି କୌଣସି ପରିସ୍ଥିତିରେ ଏହା ଅମ୍ବାନୀଙ୍କ ପରିବାରକୁ ସୁରକ୍ଷା ଦେବାରେ ସଫଳ ହୋଇପାରିବ ।

ଅମ୍ବାନୀଙ୍କ ଯାତ୍ରା ବେଳେ ପୂର୍ବରୁ ଲାଣ୍ଡରୋଭର ଡିସକଭର ସ୍ପୋର୍ଟ ଏସୟୁଭିଏ କାରର ଉପଯୋଗ କରାଯାଉଥିଲା ।