ଅନ୍ତର୍ଜାତୀୟ କ୍ରିକେଟରେ ଦେଖିବାକୁ ମିଳିବ ନାହିଁ ଧୋନିଙ୍କ ଜଲୱା: କ୍ରିକେଟର ସବୁ ଫର୍ମାଟରୁ ଅବସର ନେଲେ ପୂର୍ବତନ ଅଧିନାୟକ; ଆଇପିଏଲରେ ଜାରି ରଖିବେ ଖେଳ
ଇନଷ୍ଟାଗ୍ରାମରେ ଭାବବିହ୍ୱଳ ଭିଡିଓ ଛାଡି ସୂଚନା ଦେଲେ ମାହି
କନକ ବ୍ୟୁରୋ: ଭାରତୀୟ କ୍ରିକେଟ ଦଳର ପୂର୍ବତନ କ୍ୟାପଟେନ୍ ତଥା କ୍ୟାପଟେନ୍ କୁଲ ମହେନ୍ଦ୍ର ସିଂହ ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ୨୦୧୪ ମସିହାରେ ଟେଷ୍ଟ କ୍ରିକେଟ୍ରୁ ଅବସର ନେଇଥିଲେ ଧୋନୀ । ଭାରତର ୭୪ ତମ ସ୍ୱାଧିନତା ଦିବସ ଅବସରରେ ଗତକାଲି ସଂଧ୍ୟା ୭ଟା ୨୯ ମିନିଟରେ ଇନଷ୍ଟ୍ରାଗ୍ରାମ ପେଜ୍ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଉଥିବା ଘୋଷଣା କରିଛନ୍ତି । ଅର୍ଥାତ୍ ଦିନିକିଆ ଓ ଟି-ଟୋଂଟି ମ୍ୟାଚରେ ଭାରତୀୟ ଜର୍ସି ପିନ୍ଧି ଆଉ ପଡ଼ିଆକୁ ଓହ୍ଲାଇବେ ନାହିଁ । ତେବେ ଆଇପିଏଲରେ ସେ ତାଙ୍କ ଖେଳ ଜାରି ରଖିବେ ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ଼ କଥା ହେଉଛି, ଯେପରି ପଡ଼ିଆ ଭିତରେ ଥଣ୍ଡା ମିଜାଜରେ ସେ ଖେଳିଥାନ୍ତି, ଅଧିନାୟକ ଦାୟିତ୍ୱ ତୁଲାଇଥାନ୍ତି, ଠିକ୍ ସେହିପରି ଭାବେ ସୋସିଆଲ ମିଡିଆରେ ଅବସର ନେଇଛନ୍ତି ଧୋନୀ । ୧୬ ବର୍ଷର ଅନ୍ତର୍ଜାତୀୟ କ୍ରିକେଟ କ୍ୟାରିୟରକୁ ସେ ବ୍ରେକ ମାରିଛନ୍ତି । ତେବେ ୨୦୧୯ ୱାଲ୍ଡକପର ସେମିଫାଇନାଲରେ ଭାରତ ପରାଜିତ ହେବା ପରେ ଆଉ ଥରେ ଟିମ୍ ଇଣ୍ଡିଆର ପ୍ରତିନିଧିତ୍ୱ କରିନାହାନ୍ତି ଧୋନୀ । ଏହାପରେ ଧୋନୀଙ୍କ ଅବସର ନେଇ ଜୋରଦାର ଚର୍ଚ୍ଚା ଚାଲିଥିଲା । ଆଉ ଇନଷ୍ଟାଗ୍ରାମ ପେଜରେ ଅବସର ଘୋଷଣା କରି ସବୁ ଚର୍ଚ୍ଚାର ଅବସାନ ଘଟାଇଛନ୍ତି କ୍ୟାପଟେନ୍ କୁଲ ।