କନକ ବ୍ୟୁରୋ : ଉତ୍ତରାଖଣ୍ଡର ହରିଦ୍ୱାର କୁମ୍ଭମେଳାରେ ନକଲି କୋଭିଡ୍ ଟେଷ୍ଟିଂ ପରେ ଏବେ କୋଲକତାରେ ନକଲି ଟିକା ଓ ନକଲି ଟିକାକରଣ କେନ୍ଦ୍ରର ଖୁଲାସା କରିଛନ୍ତି ଟିଏମସି ସାଂସଦ ମିମି ଚକ୍ରବର୍ତ୍ତୀ । ଏହି ଖୁଲାସା ପରେ କୋଲକତା ପୋଲିସ ଜଣେ ଲୋକକୁ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଟିଏମସି ସାଂସଦ ମିମି ଚକ୍ରବର୍ତ୍ତୀ ଯେଉଁ ଟିକାକରଣ କେନ୍ଦ୍ରରେ ଟିକା ନେଲେ ସେଠାରେ କୌଣସି ସରକାରୀ ଅଧିକାରୀଙ୍କୁ ଦେଖିବାକୁ ମିଳି ନଥିଲା । ଏହାକୁ ନେଇ ସେ ସନ୍ଦେହ ପ୍ରକାଶ କରିବା ସହ ପୋଲିସକୁ ସୂଚନା ଦେଇଥିଲେ । ସୂଚନା ପାଇବା ପରେ ପୋଲିସ ଏନେଇ ଖୋଳତାଡ କରି ଦକ୍ଷୀଣ କୋଲକତାର ଦେବଞ୍ଜନ ଦେବ ନାମକ ଜଣେ ଲୋକକୁ ଗିରଫ୍ କରିଛି ।
ଦେବଞ୍ଜନ ଦେବ ନିଜକୁ ଜଣେ ଆଇଏଏସ ଅଧିକାରୀ ବୋଲି ପରିଚୟ ଦେଇ ଟିକାକରଣ କେନ୍ଦ୍ରକୁ ମିମି ଚକ୍ରବର୍ତ୍ତୀଙ୍କୁ ଆମନ୍ତ୍ରଣ କରିଥିଲା । ସେ କହିଥିଲା କି ଏହି ଟିକାକରଣର ଆୟୋଜନ କୋଲକତା ନଗର ନିଗମ ଦ୍ୱାରା କରାଯାଉଛି ।
ଏନେଇ ମିମି ଚକ୍ରବର୍ତ୍ତୀ କହିଛନ୍ତି କି ସେ ଲୋକଙ୍କୁ ଟିକା ନେବାକୁ ପ୍ରୋତ୍ସାହିତ କରୁଛନ୍ତି । ହେଲେ ଏଭଳି ନକଲି ଟିକାକରଣ କେନ୍ଦ୍ରକୁ ଆମନ୍ତ୍ରିତ ହୋଇ ଯିବା ତାଙ୍କ ପାଇଁ ମହଙ୍ଗା ପଡିଛି । କାରଣ ସେ ସେଠାକୁ ଅତିଥି ହୋଇ ଯାଉଥିବା ଜାଣି ଅନେକ ଲୋକ ଆଗ୍ରହର ସହ ଟିକା ନେବାକୁ ସେଠାରେ ପହଂଚିଥିଲେ ଓ ସେ ଏହାଏକ ନକଲି ଟିକାକରଣ କେନ୍ଦ୍ର ଜାଣବା ବେଳକୁ ପାଖା ପାଖି ୨୫୦ ଲୋକ ଓ ସେ ନିଜେ ଟିକା ନେଇ ସାରିଥିଲେ ।
ଏକ ଜାତୀୟ ଗଣମାଧ୍ୟମକୁ ସୂଚନା ଦେଇ ମିମି ଚକ୍ରବର୍ତ୍ତୀ କହିଛନ୍ତି କି ଦେବଞ୍ଜନ ଦେବ ତାଙ୍କୁ କହିଥିଲେ କି କୋଲକତା ନଗର ନିଗମ ତରଫରୁ କିନ୍ନର ଓ ଦିବ୍ୟାଙ୍କଙ୍କ ପାଇଁ ଏକ ଟିକା ଶିବିରର ଆୟୋଜନ କରାଯାଉଛି । ଏହାକୁ ନଜରରେ ରଖି ମିମି ସେଠାରେ ଅତିଥି ଭାବେ ପହଂଚିଥିବା କଥା କହିଛନ୍ତି ।