ସାଂସଦ ଚନ୍ଦ୍ରାଣୀ ମୁର୍ମୁଙ୍କ ଭାଇରାଲ ଭିଡିଓ ମାମଲାରେ ନୂଆ ମୋଡ଼ । ଓଟିଭି ସାମ୍ବାଦିକ ରମେଶ ରଥଙ୍କୁୁ ଉଠାଇନେଲା କେନ୍ଦୁଝର ପୁଲିସ୍ । ଆଇପି ଆଡ୍ରେସ୍ ଟ୍ରାକିଂରୁ ମିଳିଲା ସୁରାକ । ଆବଶ୍ୟକ କାଗଜ ପତ୍ର ଯାଂଚ ପରେ ମୁକ୍ତ ହେଲେ ସାମ୍ବାଦିକ ।
କନକ ବ୍ୟୁରୋ : ସାଂସଦ ଚନ୍ଦ୍ରାଣି ମୁର୍ମୁ ଭାଇରାଲ ଭିଡିଓ ମାମଲାରେ ଓଟିଭି ସାମ୍ବାଦିକ ରମେଶ ରଥଙ୍କୁ ଆଜି ଉଠାଇ ନେଇଥିଲା ପୋଲିସ୍ । ଚନ୍ଦ୍ରାଣି ମୁର୍ମୁ ଭାଇରାଲ ଭିଡିଓ ମାମଲାରେ ଆଇପି ଆଡ୍ରେସ ଟ୍ରାକିଂ କରି ପୋଲିସ ରମେଶ ରଥଙ୍କ ଲିଙ୍କ ପାଇଥିବା ଜଣେ ବରିଷ୍ଠ ପୁଲିସ ଅଧିକାରୀ ସୂଚନା ଦେଇଛନ୍ତି । ତାଙ୍କଠାରୁ ଆବଶ୍ୟକ କାଗଜପତ୍ର ଜବତ କରିବା ପରେ ତାଙ୍କୁ ଛାଡି ଦେଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ୨୦୧୯ରେ ଚନ୍ଦ୍ରାଣି ମୁର୍ମୁ ଭାଇରାଲ ଭିଡିଓ ମାମଲାରେ ଗିରଫ ହୋଇଥିବା ଓଟିଭି ସାମ୍ବାଦିକ ସୀମାଂଚଳ ପାତ୍ର, ରମେଶ ରଥଙ୍କ ନାଁରେ ଅଭିଯୋଗ କରି କହିଥିଲେ ସେ ଏହି ଭିଡିଓ ତାଙ୍କଠାରୁ ପାଇଥିଲେ । ଏହି ମାମଲାରେ କୁଆଡେ ପୁଲିସ ରମେଶଙ୍କୁ ଏକାଧିକ ବାର ପଚରାଉଚରା ପାଇଁ ନୋଟିସ କରିଥିଲା ।
ଜଣେ ପୋଲିସ ଅଧିକାରୀଙ୍କ କହିବା ଅନୁସାରେ ସେ ହାଜର ହୋଇ ନଥିଲେ । ତାପରେ ଆଜି ତାଙ୍କୁ ଧରି ନିକଟସ୍ଥ ଥାନାକୁ ନେଇ ଯାଇଥିଲେ ।ପରେ ଓଟଭି ଅଫିସ ଆସି ସେଠାରୁ ତାଙ୍କ କମ୍ପ୍ୟୁଟରର ହାର୍ଡଡିସ୍କ ମଧ୍ୟ ଜବତ କରିଥିଲେ । ଏହାପରେ ତାଙ୍କୁ ମୁକ୍ତ କରିଥିଲା ପୋଲିସ୍ ।