ଉପ ଜିଲ୍ଲାପାଳ ଚାକିରି ଛାଡି ରାଜନୀତିରେ କଲେ ପ୍ରବେଶ । ହେଲେ ମିଳିଲା ନାହିଁ ବିଧାୟକ ଟିକେଟ
କନକ ବ୍ୟୁରୋ : ମଧ୍ୟପ୍ରଦେଶ ଛତରପୁର ଜିଲ୍ଲାର ପୂର୍ବ ଉପ ଜିଲ୍ଲାପାଳ ନିଶା ବାଙ୍ଗରେଙ୍କ ନିର୍ବାଚନ ଲଢିବା ନେଇ ଦେଖାଦେଇଥିବା ସମ୍ଭାବନା ଉପରେ ବିରାମ ଲାଗିଛି । କଂଗ୍ରେସ ପାର୍ଟିର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ୍ ନାଥ ଏନେଇ ସ୍ପଷ୍ଟ କରିଛନ୍ତି । ସେ କହିଛନ୍ତି ନିଶା ବାଙ୍ଗରେ ଚଳିତ ନିର୍ବାଚନ ଲଢିବେ ନାହିଁ । ଛିନ୍ଦୱାଡାରେ ନାମାଙ୍କନ ଭରିବା ପରେ କମଲନାଥ ମଞ୍ଚ ଉପରେ ଏହା ସ୍ପଷ୍ଟ କରିଛନ୍ତି । ସେ କହିଛନ୍ତି କି, ନିଶା ବାଙ୍ଗରେ ନିର୍ବାଚନ ଲଢିବେ ନାହିଁ, ହେଲେ କମଲନାଥ ଓ ମଧ୍ୟପ୍ରଦେଶ କଂଗ୍ରେସ ପାଇଁ ତାଙ୍କର ଆବଶ୍ୟକତା ରହିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ନିଶା ବାଙ୍ଗରେଙ୍କ ଇସ୍ତଫା ପରେ ଆକଳନ କରାଯାଉଥିଲା କି, ସେ ଆମଲା ଆସନରୁ କଂଗ୍ରେସ ଟିକେଟରୁ ନିର୍ବାଚନ ଲଢିବେ । ହେଲେ କମଲନାଥଙ୍କ ଏହି ବୟାନ ପରେ ଏବେ ନିଶାଙ୍କୁ ବଡ ଝଟକା ଲାଗିଛି । ନିଶା ଉପ ଜିଲ୍ଲାପାଳ ପଦରୁ ଇସ୍ତଫା ଗ୍ରହଣ ହେବା ପରେ ସେ ସିଧାସଳଖ କମଲ ନାଥଙ୍କ ବାସଭବନରେ ପହଂଚିଥିଲେ । ଏହାପରେ ଅକାଳନ କରାଯାଉଥିଲା କି ନିଶାଙ୍କୁ କଂଗ୍ରେସ ଆମଲା ଆସନରୁ ପ୍ରାର୍ଥୀ କରାଯାଇପାରେ ।