ଅପେକ୍ଷାରେ ଓଡ଼ିଶା । କାଠମାଣ୍ଡୁରେ ପହଁଚିଲା କଳ୍ପନାଙ୍କ ମରଶରୀର, ପରିବାରକୁ ହସ୍ତାନ୍ତର ପରେ ଓଡ଼ିଶା ଆସିବ ପାହାଡ଼ ରାଣୀଙ୍କ ପ୍ରାର୍ଥିବ ଶରୀର ।
କନକ ବ୍ୟୁରୋ: ଧିରେ ଧିରେ ପ୍ରତୀକ୍ଷାର ଅନ୍ତ ହେବାରେ ଲାଗୁଛି । କାରଣ ଓଡ଼ିଆ ଝିଅ ପର୍ବତାରୋହୀ କଳ୍ପନା ଦାଶଙ୍କ ମରଶରୀର ଉଦ୍ଧାର କାର୍ଯ୍ୟ ସଫଳ ହୋଇଛି । ସୂଚନା ମୁତାବକ ଗୁରୁବାର ତାଙ୍କ ମରଶରୀରକୁ ବେସ୍ କ୍ୟାମ୍ପ-୪ରୁ ସ୍ବତନ୍ତ୍ର ହେଲିକପ୍ଟର ଯୋଗେ କାଠମାଣ୍ଡୁକୁ ଅଣାଯାଇଛି । ସେଠାରେ କଳ୍ପନାଙ୍କ ପ୍ରାର୍ଥିବ ଶରୀରକୁ ପରିବାରକୁ ହସ୍ତାନ୍ତର କରାଯିବା ପରେ ଓଡ଼ିଶା ଅଣାଯିବ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଅନେକ କ୍ରୀଡ଼ାବିତଙ୍କ ଆଦର୍ଶ ପାଲଟିଥିବା ପର୍ବତ ଆରୋହଣକାରୀ କଳ୍ପନାଙ୍କ ମୃତ୍ୟୁ ଗତ ଗୁରୁବାର ଦିନ ମିଳିଥିଲା । ଯାହାକୁ ସମଗ୍ର ଖବର ଓଡ଼ିଶା କ୍ରୀଡ଼ା ଜଗତକୁ ସ୍ତବ୍ଧ କରିଦେଇଥିଲା। ସେ ଦ୍ୱିତୀୟଥର ଲାଗି ଏଭରେଷ୍ଟ ଆରୋହଣ କରି ଫେରୁଥିବା ବେଳେ ପ୍ରାଣ ହରାଇଥିବା ଖବର ପ୍ରଚାରିତ ହୋଇଥିଲା। କଳ୍ପନା ପୂର୍ବରୁ ୨୦୦୪ ଓ ୨୦୦୬ରେ ଏଭରେଷ୍ଟ ଆରୋହଣରେ ବିଫଳ ହୋଇଥିଲେ ମଧ୍ୟ ୨୦୦୮ ମେ ୨୧ରେ ନିଜ ସ୍ବପ୍ନକୁ ସାକାର କରିଥିଲେ। ଏବଂ ଓଡ଼ିଶାର ପ୍ରଥମ ପର୍ବତାରୋହୀ ଭାବେ ସେ ଏଭରେଷ୍ଟ ଆରୋହଣ କରିଥିଲେ।