କ୍ୟାମେରାରେ କଏଦ୍ ହେଲା ମୃତ୍ୟୁର ଲାଇଭ୍ ଦୃଶ୍ୟ ! ଗରବା ନୃତ୍ୟ କରୁ କରୁ ଚାଲିଗଲା ଯୁବକଙ୍କ ଜୀବନ ।
ଜୀବନ ଏକ ରଙ୍ଗମଞ୍ଚ ଏବଂ ସମ୍ପୁର୍ଣ୍ଣ ଜନମାନସ ହେଉଛି ଗୋଟିଏ ଗୋଟିଏ କାଠ କଣ୍ଢେଇ ଯାହାର ଡୋର ଉପରେ ବସିଥିବା ସୁପ୍ରିମ୍ ଡାଇରେକ୍ଟର (ଭଗବାନ)ଙ୍କ ହାତରେ ରହିଛି । ଦିବଙ୍ଗତ ଅଭିନେତା ରାଜେଶ୍ ଖାନ୍ନା ଅଭିନୀତ ସିନେମା ‘ଆନନ୍ଦ’ ର ଚର୍ଚ୍ଚିତ ଡାଇଲଗ୍ ଗୁଜୁରାଟ୍ ରୁ ରାଜସ୍ତାନର ମାଉଣ୍ଟ୍ ଆବୁ ବୁଲିବାକୁ ଆସିଥିବା ଜଗଦୀସ୍ ଙ୍କ ପାଇଁ ସତ ସାବ୍ୟସ୍ତ ହୋଇଯାଇଛି । ସାଙ୍ଗମାନଙ୍କ ସହ ହସି ହସି ନାଚୁଥିବା ବେଳେ ତାଙ୍କ ଜୀବନ ଚାଲିଯାଇଥିଲା ଏବଂ ଶେଷ ମୁହୂର୍ତ୍ତର କିଛି ସମୟ କ୍ୟାମେରାରେ କଏଦ୍ ହୋଇଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମୃତକ ଜଗଦୀଶ୍ ଙ୍କ ବନ୍ଧୁ କାନ୍ଦି କାନ୍ଦି କୁହନ୍ତି ବୁଲିବାକୁ ଆସିଥିବାରୁ ଆମେ ହୋଟେଲ୍ ଖାଇବା ପାଇଁ ଯାଇଥିଲୁ । ସେଠାରେ ଗରବା କାର୍ଯ୍ୟକ୍ରମ ଚାଲିଥିବା ଦେଖିଲୁ ଏବଂ ପ୍ରଥମେ ଗରବା ନୃତ୍ୟ କରିବା ପାଇଁ ଚାଲିଗଲୁ । କିନ୍ତୁ ଏହି ନୃତ୍ୟ ଯେ ବନ୍ଧୁ ପାଇଁ କାଳ ସାଜିବ ତାହା ଜାଣିନଥିଲୁ । ଗରବା କରୁକରୁ ଜଗଦୀଶ୍ ଅଚାନକ ତଳେ ପଡିଗଲା ଏବଂ ତା ମୁହଁରୁ ରକ୍ତ ବାହାରିବାକୁ ଲାଗିଥିଲା । ତାକୁ ଆମେ ସଙ୍ଗେ ସଙ୍ଗେ ଡାକ୍ତରଖାନା ନେଇଯାଇଥିଲେ ମଧ୍ୟ ଡାକ୍ତର ଜଗଦୀଶ୍ କୁ ଦେଖୁ ଦେଖୁ ମୃତ ଘୋଷଣା କରିଦେଲେ ।
ସୂଚନା ଅନୁସାରେ ,ଗୁଜୁରାଟର ସୁରତ୍ ରେ ୬ ଜଣ ସାଙ୍ଗ ନିଜ ପରିବାର ସହ ରବିବାର ମାଉଣ୍ଟ୍ ଆବୁ ବୁଲିବାକୁ ଯାଇଥିଲେ । ଏଠାରେ ତାଙ୍କୁ ୨ ଦିନ ପାଇଁ ବୁଲିବାର ଥିଲା । ଭଲଭାବରେ ବୁଲାବୁଲି କରିବା ପରେ ସମସ୍ତେ ହୋଟେଲ୍ ଫେରିଥିଲେ ଏବଂ ଫ୍ରେସ୍ ହୋଇ ଖାଇବା ପାଇଁ ଯାଇଥିଲେ । କିନ୍ତୁ ହୋଟେଲ୍ ନବରାତ୍ରୀ ପାଇଁ ଗରବା ନୃତ୍ୟର ଆୟୋଜନ ହୋଇଥିବାରୁ ସମସ୍ତେ ପ୍ରଥମେ ଗରବା ଡ୍ୟାନ୍ସ କରିଥିଲେ । କିଛି ସମୟ ଡ୍ୟାନ୍ସ କରିବା ପରେ ଜଣେ ସାଙ୍ଗ ଜଗଦୀଶ୍ ଭାଇ ହଠାତ୍ ତଳେ ପଡିଯାଇଥିଲେ ଏବଂ ତାଙ୍କ ପାଟିରୁ ରକ୍ତ ବାହାରିଥିଲା । ଡାକ୍ତରଖାନା ନେଲାବେଳେ ତାଙ୍କ ମୃତ୍ୟୁ ହୋଇଯାଇଥିଲା ।