୪ ପିଲାଙ୍କୁ ପାଣିରେ ବୁଡାଇ ମାରିଲା ମା’ । ପରେ ମା’ର ଆତ୍ମହତ୍ୟା ଉଦ୍ୟମ ।
କନକ ବ୍ୟୁରୋ: ରାଜସ୍ଥାନ ବାରମେରରେ ଘଟିଛି ଅଭାବନୀୟ ଘଟଣା । ଏଠାରେ ଜଣେ ମହିଳା ନିଜର ୪ ପିଲାଙ୍କୁ ପାଣି ଟାଙ୍କିରେ ବୁଡାଇ ମାରିବା ପରେ ନିଜେ ଆତ୍ମହତ୍ୟା ଉଦ୍ୟମ କରିଥିବା କଥା ଜଣାପଡିଛି । ରବିବାର ଏଭଳି ଅଭାବନୀୟ ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମହିଳାଙ୍କ ସ୍ୱାମୀ ଗତ ୧୫ ଦିନ ହେବ କାମ କରିବାକୁ ବାହାରକୁ ଯାଇଥିଲେ । ଏହି ସମୟ ମଧ୍ୟରେ ମହିଳା ଜଣକ କୌଣସି କାରଣରୁ ଏଭଳି ଚରମ ନିଷ୍ପତ୍ତି ନେଇଥିଲେ । ପିଲାଙ୍କ ମାରି ନିଜେ ଆତ୍ମହତ୍ୟା କରିବାକୁ ଚେଷ୍ଟା କରିବା ସର୍ମୟରେ କିଛି ଲୋକ ଜାଣିପାରି ତାଙ୍କୁ ଉଦ୍ଧାର କରିଥିଲେ । ପିଲାଙ୍କ ସହ ମା’କୁ ନେଇ ହସ୍ପିଟାଲରେ ପହଞ୍ଚାଇଥିଲେ ବି ଡାକ୍ତର ୪ ପିଲାଙ୍କୁ ମୃତ ଘୋଷଣା କରିଥିଲେ । କିନ୍ତୁ ମା’ର ଚିକିତ୍ସା ଚାଲିଥିବା ଜଣାପଡିଛି । ଏଭଳି ଘଟଣାର ପଛର କାରଣ ଖୋଜୁଛି ପୋଲିସ ।