ମା’ ସାଜିଲା କଂସେଇ । କଅଁଳା ଛୁଆକୁ ଏମିତି ଢଙ୍ଗରେ କଲା ହତ୍ୟା..

269

କନକ ବ୍ୟୁରୋ: ପ୍ରଥମେ ଗୁଗୁଲ ସର୍ଚ୍ଚ । ଆଉ ତା ପରେ ହତ୍ୟା  । ତା’ପୁଣି ୩ ମାସର କଅଁଳା ଶିଶୁ କନ୍ୟାକୁ । ଜାଣି ଆଶ୍ଚର୍ଯ୍ୟ ହେବେ ହତ୍ୟାକାରୀ ଆଉ କେହି ନୁହେଁ ବରଂ ନିଜ ମା’ । ଏପରି ଘଟଣା ଘଟିଛି ମଧ୍ୟପ୍ରଦେଶ ଉଜୟିନୀ ଖାଜରୌଦ୍ ଇଲାକାରେ ।

ଉଜୟିନୀରେ ଘଟିଛି ଛାତି ଥରେଇ ଦେବାଭଳି ଘଟଣା । କଅଁଳା ଶିଶୁକୁ ପାଣି ଟାଙ୍କିରେ ବୁଡାଇ ମାରିଲା ମା’ । ଖାଲି ସେତିକି ଶିଶୁକୁ କିପରି ହତ୍ୟା କରିବ ତା’ର ତରିକା ବି ଗୁଗୁଲରୁ ସର୍ଚ୍ଚ କରିଥିଲା । ପୂର୍ବରୁ ବୋହୂ ଉପରେ ଶାଶୁ , ଶ୍ୱଶୁରଙ୍କ ସନ୍ଦେହ ତ ଥିଲା । ଏହାପରେ ମହିଳାଙ୍କ ଫୋନରୁ ଏହା ଜଣାପଡିବା ପରେ ପୋଲିସର ସନ୍ଦେହ ଦୃଢ ହୋଇଥିଲା । କିଛି ଦିନର ଛାନବିନରେ ହିଁ ହତ୍ୟାକାରୀ ନିଜେ ମା’ ବୋଲି ସ୍ପଷ୍ଟ ହୋଇଥିଲା ।

ସୂଚନା ମୁତାବକ, ଅକ୍ଟୋବର ୧୨ରେ ଘଟିଥିବା ୩ ମାସର ଝିଅକୁ ହତ୍ୟା କରିଥିବା ସମ୍ବେଦନଶୀଳ ହତ୍ୟା ମାମଲାରେ ପ୍ରମାଣ ଆଧାରରେ ପୋଲିସ ମାଆକୁ ଗିରଫ କରିଛି । ବିଶେଷ କଥା ହେଉଛି ହତ୍ୟା ପୂର୍ବରୁ ମା ’ଗୁଗୁଲରେ ସର୍ଚ୍ଚ କରିଥିଲା ଝିଅଟିକୁ କିପରି ହତ୍ୟା କରିବ । ଶେଷରେ, ଅକ୍ଟୋବର ୧୨ରେ, ମାଆ ଝିଅଟିକୁ ହତ୍ୟା କରିଥିଲା । ସୋସିଆଲ ମିଡିଆରେ ପିଲାମାନଙ୍କୁ ହତ୍ୟା କରିବାର ଉପାୟ ଜଣାପଡିବା ପରେ ପୋଲିସ ମାଆକୁ ଗିରଫ କରିଥିଲା । ତେବେ ଏହାପୂର୍ବରୁ ସ୍ୱାମୀ ଅର୍ପିତ, ଶାଶୁ ଅନୀତା ଏବଂ ଶ୍ୱଶୁର ସୁଭାଷ ଭଟେୱାରା ଅଭିଯୁକ୍ତ ମାଆ ଉପରେ ହତ୍ୟା ସନ୍ଦେହ କରିଥିଲେ ।

ଅକ୍ଟୋବର ୧୨ଦିନ ଅପରାହ୍ନରେ, ଖାଚରୋଦର ଷ୍ଟେସନ ରୋଡରେ ରହୁଥିବା ଅର୍ପିତଙ୍କ ପିତା ସୁଭାଷ ଚାନ୍ଦ ଭଟଭାରାଙ୍କ ତିନି ମାସର ନାତୁଣୀ ନିଖୋଜ ନେଇ ଏତଲା ଦେଇଥିଲେ । ଖୋଜାଖୋଜିରେ ଘରର ତୃତୀୟ ମହଲାରେ ଥିବା ପାଣି ଟାଙ୍କିରେ ଶିଶୁ କନ୍ୟାର ମୃତଦେହ ମିଳିଥିଲା । ଏହି ବିଷୟକୁ ଅତି ନିକଟରୁ ଅନୁଧ୍ୟାନ କରିବା ପରେ ଜାଣିବାକୁ ପାଇଲେ ଯେ ଶିଶୁ କନ୍ୟାକୁ ତାଙ୍କ ମା’ ପାଣି ଟାଙ୍କିରେ ଫିଙ୍ଗି ଦେଇଛନ୍ତି । ଏସବୁ ଜଣାପଡିବା ପରେ ଗିରଫ ହୋଇଛନ୍ତି ମହିଳା ।