ମା’ ନା ରାକ୍ଷସୀ ! ନିଜର ଗୋଟିଏ ମାସର କୁନି ପୁଅ କାନ୍ଦୁଥିଲା ବୋଲି ଚୁପ୍ କରିବାକୁ ପାଣି କୁଣ୍ଡରେ ବୁଡାଇ ହତ୍ୟା କଲା ମା’

36

ଦୁନିଆରେ ସୁବଠୁ ଉତ୍ତମ ସର୍ମ୍ପକ ମା ଓ ସନ୍ତାନ ମଧ୍ୟରେ ରହିଥାଏ । ଏହି ସମ୍ପର୍କରେ ଅନାବିଳ ସ୍ନେହ ଓ ମମତା ଭରି ରହିଥାଏ। କିନ୍ତୁ ଆମେରିକାରେ ଜଣେ ମା’ ଏମିତି ଏକ କାଣ୍ଡ ଘଟାଇଛି ଯାହାକୁ ଶୁଣି ଆପଣ କହିବେ ଏତେ ନିର୍ଦ୍ଦୟ ବି ହୋଇପାରେ ମା’। ଆମେରିକାରେ ବସବାସ କରୁଥିବା ୧୯ବର୍ଷର ମା’ ନିଜର ଗୋଟିଏ ମାସର ଶିଶୁକୁ ଚୁପ୍ କରିବା ପାଇଁ ପାଣିକୁଣ୍ଡରେ ବୁଡାଇ ହତ୍ୟା କରିଥିବାର ଖବର ମିଳିଛି। ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ପାଣିକୁଣ୍ଡରୁ ଶିଶୁର ମୃତଦେହକୁ ଉଦ୍ଧାର କରିଛି। ହତ୍ୟାକାରୀ ମା’ର ନାମ ଜେନା ଫେଲବେଲ ବୋଲି ଜଣାପଡ଼ିଛି। ଯିଏକି ନିଜର ପ୍ରଥମ ସନ୍ତାନକୁ ପାଣିକୁଣ୍ଡରେ ବୁଡାଇ ହତ୍ୟା କରିଛି।

ପୁଲିସ ସୂତ୍ରରୁ ପ୍ରକାଶ, ଜେନା ଫେଲବେଲ ଶିଶୁକୁ କିପରି ହତ୍ୟା କରାଯାଏ ସେନେଇ ଇଣ୍ଟରନେଟରେ ୧୦୦ଟି ବିଭିନ୍ନ ଉପାୟ ଖୋଜି ଥିବା ଯାଞ୍ଚ ରିପୋର୍ଟରୁ ଜଣାପଡ଼ିଥିଲା। ଶେଷରେ ଶିଶୁକୁ ପାଣିକୁଣ୍ଡରେ ବୁଡାଇ ମା’ ହତ୍ୟା କରିଥିଲା। ମହିଳାଙ୍କ ମୋବାଇଲ୍ ଓ ଲାପଟପ୍ ପୁଲିସ ଜବତ କରି ନେଇଛି।

ଶିଶୁକୁ ହତ୍ୟା କରିବା ପରେ ମହିଳା ପ୍ରଥମେ ପୁଲିସକୁ ଫୋନ୍ କରି ତାଙ୍କ ଶିଶୁକୁ କେହି ଜଣେ ଅପହରଣ କରି ନେଇଥିବା କଥା କହିଥିଲା। ମହିଳାଙ୍କ କଥାଶୁଣି ପୁଲିସ ଯାଞ୍ଚ ଆରମ୍ଭ କରିବା ପରେ ଘର ଭିତରେ ଥିବା ପାଣିକୁଣ୍ଡରୁ ଶିଶୁର ମୃତଦେହକୁ ଉଦ୍ଧାର କରିଥିଲା ପୁଲିସ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.