ମାଆ ମୁଁ ୫ ମିନିଟରେ ଆସୁଛି… ଏତିକି କହି ଆଉ ଫେରିନି ପୁଅ… ନିଖୋଜ ପୁଅ ପାଇଁ ମୁଣ୍ଡପିଟି କାନ୍ଦୁଛି ମାଆ…
କନକ ବ୍ୟୁରୋ: ପୁଅ କହିଲା ମମି ମୁଁ ୫ ମିନିଟରେ ଆସୁଛି, ପଣ୍ଡିତ ସାରଙ୍କ ପାଖରୁ ପ୍ରୋଜେକ୍ଟ ନେଇ… ପୁଅ ଏତିକି କହି ଯାଇଛି ଯେ ଯାଇଛି ଏଯାଏଁ ଫେରିନି । ପୁଅ ଡ୍ରେନ ପାଣିରେ ଭାସି ଯିବା ପରେ ମୁଣ୍ଡ ପିଟି କାନ୍ଦୁଛି ମାଆ । କେତେବେଳେ ପୁଅ ଆସିବ ତା ଫେରିବା ବାଟକୁ ଚାହିଁ ରହିଥିବା ବେଳେ ଆଖିରୁ ଝରିଯାଉଛି ଧାର ଧାର ଲୁହ । ମାଆ ଯେତେ ଛାତି ପିଟି କାନ୍ଦିରେ ବି ଘରକୁ ଫେରୁନି ୧୫ ବର୍ଷର ପୁଅ, କି ଘରକୁ ଆସୁନି ଭଲ ଖବର ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଶିରିପୁର ଶତାବ୍ଦୀନଗର ବ୍ୟାଙ୍କ କଲୋନୀରେ ଡ୍ରେନ ପାଣିରେ ଛାତ୍ର ଭାସିଯିବା ପରେ ନିଖୋଜ ଜ୍ୟୋତିର୍ମୟ ବେହେରାଙ୍କ ଘରେ ସୃଷ୍ଟି ହୋଇଛି ଲୁହକୋହର ପରିବେଶ । ବାପାମାଆ ପୁଅ ପାଇଁ କାନ୍ଦୁଛନ୍ତି । ପରିବାର ସହ ପଡୋଶୀ ବି ଏମିତି ଏକ ଅଘଟଣରେ ଭାଙ୍ଗି ପଡିଛନ୍ତି ।
ଗୋଟିଏ ପଟେ ପୋଲିସ ଓ ଅଗ୍ନିଶମ ବାହିନୀ ଡ୍ରେନ ପାଣିରେ ଖୋଜାଖୋଜି କରୁଥିବା ବେଳେ ଅନ୍ଧାର ରାତିରେ ଅପରେସନ କରିବା ବଡ ଚାଲେଞ୍ଜ ସୃଷ୍ଟି କରିଛି । ଆଉ ଏପଟେ ଘରେ ପୁଅ ପାଇଁ କାନ୍ଦବୋବାଳି ପଡିଛି ।