ମା ବନିଲା ରାକ୍ଷସୀ : ବାପଘରକୁ ଯିବାକୁ ସ୍ୱାମୀ ମନା କରିବାରୁ ଦୁଇ ଛୁଆଙ୍କୁ ହତ୍ୟା କଲା ମା
କନକ ବ୍ୟୁରୋ : ବାପଘରକୁ ଯିବାକୁ ସ୍ୱାମୀ ମନା କରିବାରୁ ଦୁଇ ଛୁଆଙ୍କୁ ହତ୍ୟା କଲା ମା | ଏଭଳି ଏକ ଅଭାବନୀୟ ଘଟଣା ଉତ୍ତରପ୍ରଦେଶର ଜାଲୋନରେ ଘଟିଛି । ଯେଉଁଠାରେ ଜଣେ ମା ନିଜର ଦୁଇ ନିରୀହ ଝିଅଙ୍କୁ ଗଳା ଚିପି ହତ୍ୟା କରିଥିବା ଅଭିଯୋଗ ହୋଇଛି। ଏଥିସହ ସେ ଆତ୍ମହତ୍ୟା କରିବାକୁ ଚେଷ୍ଟା କରୁଥିବାବେଳେ ସ୍ଥାନୀୟ ଲୋକ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି |
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଜାଲୋନର କୋଟ୍ରା ପୁଲିସ ଷ୍ଟେସନ ଅଧୀନରେ ଥିବା ଚିରାବାଲି ଗାଁର ମହେନ୍ଦ୍ର ଅହିରୱାର ତାଙ୍କ ପତ୍ନୀ ପ୍ରମିଳା ଓ ଦୁଇ ଶିଶୁକନ୍ୟାଙ୍କ ସହ ରୁହନ୍ତି | ପ୍ରମିଳା ନିଜ ବାପଘରକୁ ଯିବାକୁ ବାହାରିଥିବାବେଳେ ମହେନ୍ଦ୍ର ତାଙ୍କୁ ମନା କରିଥିଲେ | ଦୁଇ ମାସ ପୂର୍ବେ ବାପା ଘରକୁ ଯାଇଥିବାରୁ ପୁଣି ଥରେ ନ ଯିବାକୁ ପତ୍ନୀଙ୍କୁ କହିଥିଲେ |
ଏହି ଘଟଣାକୁ ନେଇ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡା ହୋଇଥିଲା | ଆଉ ସ୍ୱାମୀ ବାହାରକୁ ଯାଇଥିବାବେଳେ ପ୍ରମିଳା ଉତକ୍ଷିପ୍ତ ଦୁଇ କନ୍ୟା(୪ ବର୍ଷ ଓ ୧୦ ମାସ)ଙ୍କୁ ଗଳା ଚିପି ହତ୍ୟା କରିଥିଲେ | ଏହା ପରେ ନିଜେ ଆତ୍ମହତ୍ୟା ଉଦ୍ୟମ କରିଥିଲେ | ତେବେ ସ୍ଥାନୀୟ ଲୋକ ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ସ୍ୱାମୀଙ୍କ ଅଭିଯୋଗ ପରେ ପୁଲିସ ଏବେ ମହିଳାଙ୍କ ନାମରେ ମାମଲା ରୁଜୁ କରି ତଦନ୍ତ ଚଳାଇଛି |