ଗୋଟିଏ ପରିବାରରୁ ଦୁଇଟି ପ୍ରାର୍ଥୀ ! ନିର୍ବାଚନ ଲଢିବେ ମା’ ପୁଅ
କନକ ବ୍ୟୁରୋ : ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଦେଖିବାକୁ ମିଳିବ ରୋଚକ ଚିତ୍ର । ନିର୍ବାଚନ ଲଢିବେ ମା’ ପୁଅ । ସରପଞ୍ଚ ପ୍ରାର୍ଥୀ ପାଇଁ ମା’ ନାମାଙ୍କନ ଦାଖଲ କରିଥିବା ବେଳେ ସମିତି ସଭ୍ୟ ପାଇଁ ନାମାଙ୍କନ ଦାଖଲ କରିଛନ୍ତି ପୁଅ । ଆଗାମି ପଞ୍ଚାୟତ ନିର୍ବର୍ାଚନରେ କୃଷ୍ଣପ୍ରସାଦ ବ୍ଲକ ସିଆଣ୍ଡି ଗ୍ରାମପଞ୍ଚାୟତରେ ଅଧ୍ୟାପକ ଭକ୍ତି ରଂଜନ ପଲେଇ ସମିତି ସଭ୍ୟ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ତାଙ୍କ ମା’ ସନ୍ଧ୍ୟାରାଣୀ ପଲେଇ ଚିଲିକା ନୂଆପଡ଼ା ଗ୍ରାମପଞ୍ଚାୟତରୁ ସରପଞ୍ଚ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଛନ୍ତି । ପୁଅ ଭକ୍ତିରଞ୍ଜନ ପଲେଇ ଅଧ୍ୟାପନା ଛାଡ଼ି ନିର୍ବାଚନ ମୈଦାନକୁ ଓହ୍ଲାଇଥିବା ବେଳେ ମା’ ମଧ୍ୟ ସରପଞ୍ଚ ପଦ ପାଇଁ ନିର୍ବାଚନ ଲଢୁଛନ୍ତି ।
ଏନେଇ ଭକ୍ତିରଞ୍ଜନ କହିଛନ୍ତି, ନିଜ ଗୋଡରେ ଛିଡାହେବା ଦିନଠାରୁ ମୁଁ ପ୍ରତିଜ୍ଞା କରିଛି ରାଜନୀତିକୁ ଓହ୍ଲାଇବି ଲୋକଙ୍କ ସେବା କରିବି । ମୁଁ ପୂର୍ବରୁ ଦେଖିଆସୁଛି । ଗରିବ ସେହିପରି ଗରିବ ହୋଇ ରହିଯାଉଛନ୍ତି । ତେଣୁ ଲୋକଙ୍କ ଅସୁବିଧା ଓ ସମସ୍ୟା ଦୂର କରିବା ପାଇଁ ମୁଁ ରାଜନୀତିକୁ ଓହ୍ଲାଇଛି । ସେହିପରି ସନ୍ଧ୍ୟାରାଣୀ ପଲେଇ କହିଛନ୍ତି, ଲୋକଙ୍କ ହିତରେ କାମ କରିବି । ମୋ ପରିବାରରେ କୌଣସି ଅସୁବିଧା ନାହିଁ, ତେଣୁ ମୁଁ ଟଙ୍କାଟିଏ ବି ନଖାଇ ଲୋକଙ୍କ ହିତରେ କାମ କରିବି ।