ଟୀକା ନେବାକୁ ଭୁଲିଗଲେ ଦେଢ କୋଟିରୁ ଅଧିକ । କୋଭିସିଲ୍ଡର ଦ୍ୱିତୀୟ ଡୋଜ ଟୀକା ନେଇନାହାନ୍ତି ଅଧିକ ବୟସ୍କ ବ୍ୟକ୍ତି।
କନକ ବ୍ୟୁରୋ : କରୋନାର ଦ୍ୱିତୀୟ ଡୋଜ୍ ନେବା ପାଇଁ ଭୁଲି ଗଲେ ଦେଶର ୧ କୋଟି ୬୦ ଲକ୍ଷ ଲୋକ । ସମୟସୀମା ଭିତରେ ନେଇ ନାହାନ୍ତି ଦ୍ୱିତୀୟ ଡୋଜ୍ । ଏମାନଙ୍କ ମଧ୍ୟରେ ୧ କୋଟିରୁ ଅଧିକ ବୟସ୍କ ବ୍ୟକ୍ତି ଅଛନ୍ତି । ଅନ୍ୟମାନଙ୍କ ମଧ୍ୟରେ ଅଛନ୍ତି, ସ୍ୱାସ୍ଥ୍ୟ ଓ ଆଗ ଧାଡିର କର୍ମକର୍ତା ଏବଂ ୪୫ ବର୍ଷରୁ ଅଧିକ ବ୍ୟକ୍ତି । ପ୍ରଥମ ଡୋଜ୍ ଟିକା ନେବାର ୧୬ ସପ୍ତାହ ପରେ ଦ୍ୱିତୀୟ ଡୋଜ୍ ନେବା କଥା । ହେଲେ ୧ କୋଟି ୬୦ ଲକ୍ଷ ଲୋକ କୋଭିସିଲଡ୍ର ଦ୍ୱିତୀୟ ଡୋଜ୍ ନେଇ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋଭିସିଲଡର ପ୍ରଥମ ଡୋଜ୍ ନେବା ପରେ ୧୨ରୁ ୧୬ ସପ୍ତାହ ପରେ ଦ୍ୱିତୀୟ ଡୋଜ୍ ନିଆଯାଇପାରିବ ବୋଲି ମେ’ ୧୩ ତାରିଖରେ ଅନୁମତି ଦେଇଥିଲେ ସରକାର । ସେହିପରି କୋଭାକ୍ସିନ୍ ଟିକାର ପ୍ରଥମ ଡୋଜ୍ ନେବା ପରେ ୪ରୁ ୬ ସପ୍ତାହ ଭିତରେ ଦ୍ୱିତୀୟ ଡୋଜ୍ ଟିକା ଦିଆଯାଉଛି । ସରକାରଙ୍କ ତଥ୍ୟ ଅନୁସାରେ ୧୨ କୋଟି ୮୦ ଲକ୍ଷ ଲୋକ ମେ’ ୨ ତାରିଖ ସୁଦ୍ଧା କୋଭିସିଲଡର ପ୍ରଥମ ଡୋଜ୍ ନେଇଥିଲେ । ଏମାନଙ୍କ ମଧ୍ୟରୁ ୧୧ କୋଟି ୨୦ ଲକ୍ଷ ଲୋକ ସେମାନଙ୍କ ଦ୍ୱିତୀୟ ଡୋଜ୍ ନେଇଛନ୍ତି ।
ମହାମାରୀ ବିରୋଧରେ ଲଢେଇ ପାଇଁ ଦେଶରେ ଟିକାକରଣ କାର୍ଯ୍ୟକ୍ରମ ଜାରି ରହିଛି । ବର୍ତମାନ ସୁଦ୍ଧା ଦେଶରେ ୫୮ କୋଟି ୮୨ ଲକ୍ଷ ଲୋକ କରୋନା ଟିକା ନେଇ ସାରିଲେଣି । ଏହାରି ଭିତରେ ୧ କୋଟି ୬୦ ଲକ୍ଷ ଲୋକ ଦ୍ୱିତୀୟ ଡୋଜ୍ ନନେବା ଚିନ୍ତାଜନକ ବିଷୟ ।