ମକର ସଂକ୍ରାନ୍ତି ପାଇଁ ଚାରିଆଡେ ଉତ୍ସାହର ମାହୋଲ । ବାଲେଶ୍ୱର, ମୟୁରଭଞ୍ଜରେ ଜମୁଛି ଉତ୍ସବ । ମେଳାରେ ମିଳୁଛି ଭଳିକି ଭଳି ୫୦ରୁ ଅଧିକ ପ୍ରକାରର ମିଠା

କନକ ବ୍ୟୁରୋ : ମକର ପାଇଁ ଚଳଚଞ୍ଚଳ ଦେଶ ଓ ରାଜ୍ୟ । ବିଶେଷକରି ବାଲେଶ୍ୱର ଓ ମୟୁରଭଞ୍ଜରେ ମକର ପାଳନ ପାଇଁ ସ୍ୱତନ୍ତ୍ର ଉତ୍ସାହ ରହିିଛି । ମକର ସଂକ୍ରାନ୍ତିରେ ମକର ମିଠାର ବେଶ୍ ଚାହିଦା ରହିଛି । ଆଉ ସେହି ଚାହିଦାକୁ ଦେଖି ବାଲେଶ୍ୱର ମଣ୍ଡଳ ବଜାରରେ ଲାଗିଛି ମିଠା ମେଳା । ୫୦ରୁ ଅଧିକ ପ୍ରକାର ମିଠା ଏଠାରେ ମୁଳୁଥିବାବେଳେ ୧୫ଦିନ ଧରି ଏହି ମେଳା ଚାଲିବ ।

ମେଳାରେ ମିଳୁଛି ମାଖନ ଚୋର, ସନ୍ତା, ବାଲିସାହି, ବରିଡି ବସା, ଗୋଲାପ ଓ ପଦ୍ମଫୁଲ, ନକିଲି ତାଜଖାନି, ଗିନା, ଖଜା, ଖେଜୁରୀ, ଲବଙ୍ଗି, ଗାଜର,ମୁଠା ଗଜା , ମଇସୁର ସମେତ ୫୦ରୁ ଅଧିକ ପ୍ରକାରର ମିଠା । କେବଳ ମଇଦା ଓ ଚିନି ବା ଗୁଡରେ ମିଠା ଗୁଡିକ ପ୍ରସ୍ତୁତ ହୋଇଛି । ୧୦ ରୁ ୧୫ଦିନ ଧରି ମିଠା ଖରାପ ହୋଇନଥାଏ । ବିଶେଷକରି ବାଲେଶ୍ୱରୀ ଖାସ୍ତା ଗଜାର ଚାହିଦା ବହୁତ ଅଧିକ । ପ୍ରତି ଦିନ କୁଇଁଣ୍ଟାଲ କୁଇଁଣ୍ଟାଲ ମିଠା ତିଆରି ହୋଇ ବିକ୍ରି ହେଉଛି । ଆଜିକୁ ପ୍ରାୟ ଶହେ ବର୍ଷ ହେବ ଏହି ମେଳା ଚାଲିଆସୁଛି ।