ଲାଲବାହିନୀକୁ କରୋନା ଭୟ । ଟପ୍ କ୍ୟାଡର ମାଓବାଦୀ କରୋନାରେ ସଂକ୍ରମିତ, ଏସପି କହିଲେ ଅସ୍ତ୍ର ଛାଡିଲେ ମିଳିବ ସ୍ୱାସ୍ଥ୍ୟସେବା ।
କନକ ବ୍ୟୁରୋ : ଲାଲବାହିନୀକୁ ଘାରିଛି କରୋନା ସଂକ୍ରମଣର ଭୟ । ବିଶେଷ କରି ଆନ୍ଧ୍ର ଷ୍ଟ୍ରେନ ଅଧିକ ମାରାତ୍ମକ ହୋଇଥିବାରୁ ମାଓ ସଂଗଠନରେ କୋକୁଆ ଭୟ ସୃଷ୍ଟି ହୋଇଛି । ଛତିଶଗଡର ସୁକମା, ବିଜାପୁର ଓ ଦାନ୍ତେୱାଡାରେ ଲାଲ ବାହିନୀର ଟପ୍ କ୍ୟାଡରଙ୍କ ସହ ପ୍ରାୟ ୫୦ରୁ ଅଧିକ ମାଓବାଦୀ କରୋନା ଆକ୍ରାନ୍ତ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟିର ସଦସ୍ୟ ତଥା ମୁଣ୍ଡ ଉପରେ ୨୫ ଲକ୍ଷ ଟଙ୍କାର ପୁରସ୍କାର ଥିବା ମାଓନେତ୍ରୀ ସୁଜାତାଙ୍କ ଅବସ୍ଥା ଗୁରୁତର ରହିଛି । ତାଙ୍କ ଛାତିରେ ପାଣି ଜମିଥିବା ସୂଚନା ଦେଇଛନ୍ତି ଦାନ୍ତେୱାଡା ଏସପି ଅଭିଷେକ ପଲ୍ଲବ । ୧୦ ଲକ୍ଷ ଟଙ୍କା ଲେଖାଏଁ ପୁରଷ୍କାର ଥିବା ଟପ କ୍ୟାଡର ଜୟଲାଲ ଓ ବିନେଶ ମଧ୍ୟ କରୋନା ଆକ୍ରାନ୍ତ ଥିବା ସୂଚନା ମିଳିଛି । ସେହିପରି ରାସନ ସାମଗ୍ରୀର ଅଭାବରୁ ମାଓବାଦୀ ଏଣୁତେଣୁ ଖାଦ୍ୟ ଖାଇ ଏବେ ଫୁଡ ପଏଜନର ଶିକାର ଥିବା ସୂଚନା ଦେଇଛନ୍ତି ଏସପି । ତେବେ ଅସ୍ତ୍ରଛାଡି ଆତ୍ମସମର୍ପଣ କଲେ ଏମାନଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ ବୋଲି କହିଛନ୍ତି ଦାନ୍ତେୱାଡା ଏସପି ।