ଉତ୍ତରପ୍ରଦେଶର ଜଣେ ବ୍ୟକ୍ତି ପ୍ରାୟ ୧୫କୁ ଅଧିକ ଶିଶୁ ଓ କେତେକ ମହିଳାଙ୍କୁ ଏକ ଘରେ ବନ୍ଦ କରି ରଖିଛି । ଏପରିକି ଉଦ୍ଧାର କରିବାକୁ କେହି ଗଲେ ଗୁଳି ଚଲାଉଛି ଦୃବୁର୍ତ୍ତ । ନିଶାଗ୍ରସ୍ତ ଅବସ୍ଥାରେ ଥିବା ଏହି ଯୁବକ ଜଣକ ବନ୍ଧୁକ ଦେଖାଇ ଧମକ ଦେଉଛି । ଏପରିକି ପୋଲିସ ମଧ୍ୟ ବନ୍ଧକଙ୍କୁ ଉଦ୍ଧାର କରିବାରେ ଫେଲ ମାରିଛି । ଫଳରେ ବନ୍ଧକଙ୍କୁ ଉଦ୍ଧାର କରିବାକୁ ଘଟଣାସ୍ଥଳରେ ଏଟିଏସର କମାଣ୍ଡୋ ପହଞ୍ଚିଛନ୍ତି । ଘର ମଧ୍ୟରୁ ମଝିରେ ମଝିରେ ଗୁଳିର ଶବ୍ଦ ଶୁଭୁଥିବା ବେଳେ ବଡ ଅଘଟଣର ଆଶଙ୍କା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
Farrukhabad Police: More than 15 children, and a few women, have been held hostage at a house by a man. Incident of firing has also taken place. Operation to rescue them is underway. Senior police officers are present at the spot. https://t.co/SFoEdEuq7g pic.twitter.com/PkPALZ4Z4Y
— ANI UP (@ANINewsUP) January 30, 2020
ଜନ୍ମଦିନ ପାଳନ କରିବାକୁ ସେ ପିଲାମାନଙ୍କୁ ଡାକି ତାଲା ପକାଇଦେଇଥିବା ଜଣାପଡ଼ିଛି । ତାକୁ ବୁଝାଇବାକୁ ଯାଇଥିବା ଗ୍ରାମର ମୁଖିଆଙ୍କ ଉପରକୁ ସେ ଗୁଳିଚଳାଇବାରୁ ସେ ଫେରିଆସିଛନ୍ତି । ବନ୍ଧକ ରଖିଥିବା ବ୍ୟକ୍ତିର ନାମ ସୁଭାଷ ଗୌତମ ଓ ତାହାର ପୂର୍ବରୁ ଅପରାଧିକ ପୃଷ୍ଠଭୂମି ଥିବା ଜଣାପଡ଼ିଛି ।
ଘଟଣାସ୍ଥଳରେ କମାଣ୍ଡୋ ପହଞ୍ଚିଥିଲେ ମଧ୍ୟ ଅପରେସନ ଆରମ୍ଭ କରାଯାଇନାହିଁ । ଆଲୋଚନା କରି ଦୃବୁର୍ତ୍ତଙ୍କୁ ବୁଝାଇବାକୁ ଚେଷ୍ଟା ଚାଲିଛି । କାରଣ ଯେହେତୁ ଦୃବୁର୍ତ୍ତ ଜଣକ ଛୋଟ ଛୁଆଙ୍କୁ ବନ୍ଧକ ରଖିଛି ତେଣୁ ଏହି ଅପରେସନ କରିବା କମାଣ୍ଡୋଙ୍କ ପାଇଁ ଏତେ ସହଜ ହେଉନାହିଁ । ପୋଲିସ ପୂରା ଘରକୁ ଚାରିପଟରୁ ଘେରି ରଖିଛି । ତେବେ ଏହି ଘଟଣାକୁ ନେଇ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ଉଚ୍ଚସ୍ତରୀୟ ବୈଠକ ଡାକିଛନ୍ତି । ତେବେ ଅନ୍ଧାର କାରଣରୁ ଅପରେସନ କରିବାକୁ ଅସୁବିଧା ହେଉଥିବା ଜଣାପଡିଛି । ଏପରିକି ଏହି ଘଟଣା ବାବଦରେ ଏନଏସଜିକୁ ମଧ୍ୟ ସୂଚାଇ ଦିଆଯାଇଛି ।