କନକ ବ୍ୟୁରୋ : ଦେଶ ସ୍ୱାଧୀନତା ପାଇବା ପରଠାରୁ ମହିଳାମାନଙ୍କୁ ସବୁକ୍ଷେତ୍ରରେ ପ୍ରାଧାନ୍ୟ ଦେଉଛନ୍ତି ସରକାର । ସେ ମହିଳା ଶିକ୍ଷା ହେଉ କି ମହିଳା ସ୍ୱାଧୀନତା, ସବୁକ୍ଷେତ୍ରରେ ମହିଳାଙ୍କ ପାଇଁ ସରକାର ସଂରକ୍ଷଣ ବ୍ୟବସ୍ଥା କରିଛନ୍ତି । ଏହାର ଏକ ସୁଫଳ ଆଜି ଦେଖିବାକୁ ମିଳିଛି । ଶିକ୍ଷା କ୍ଷେତ୍ରରେ ମହିଳାମାନେ କିଛିବର୍ଷ ହେବ ପୁରୁଷମାନଙ୍କୁ ପଛରେ ପକାଉଥିବା ଖବର ଆସୁଥିଲା । ଏବେ ଆନୁଆଲ ଷ୍ଟେଟସ ଅଫ ଏଜୁକେସନ ସଂସ୍ଥା (ଏଏସଇଆର) ଏକ ସର୍ଭେ ରିପୋର୍ଟ ଦେଇଛି । ଏହି ରିପୋର୍ଟ ମୁତାବକ ସ୍କୁଲ ଯିବା ମାମଲାରେ ଦେଶରେ ବାଳକମାନଙ୍କ ଠାରୁ ବାଳିକାମାନେ ଆଗରେ ରହିଛି । କହିରଖୁ କି ଏଏସଇଆର ସଂସ୍ଥା ପୁରାଦେଶରେ ସ୍କୁଲଶିକ୍ଷାର ସ୍ତରକୁ ନେଇ ସର୍ଭେ କରିଥାଏ । ଏଥିରେ ସହରୀ ଓ ଗ୍ରାମୀଣ ଉଭୟ ସ୍କୁଲକୁ ସାମିଲ କରାଯାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଏଏସଇଆର ସଂସ୍ଥା ଉତ୍ତର ପ୍ରଦେଶ ରାଜ୍ୟର କୋଡିନେଟର ନୁଜହତ ମଲିକ ଏକ ଜାତୀୟ ଗଣମାଧ୍ୟମକୁ କହିଛନ୍ତି କି ସଂସ୍ଥା ତାର ସର୍ଭେ ରିପୋର୍ଟରେ ପାଇଛି କି ବାଳକଙ୍କୁ ତୁଳନାରେ ଦେଶରେ ଅଧିକ ବାଳିକା ସ୍କୁଲ ଯାଉଛନ୍ତି । କେବଳ ଗୋଟିଏ ରାଜ୍ୟର ହିସାବ ଦେଇ ସେ କହିଛନ୍ତି କି ଉତର ପ୍ରଦେଶର ୨୦୨୮ଟି ସରକାରୀ ସ୍କୁଲରେ ଏନେଇ ସର୍ବେକ୍ଷଣ କରାଯାଇଥିଲା । ଏହି ସର୍ଭେରୁ ଜଣାପଡିଥିଲା କି ବାଳକଙ୍କ ତୁଳନାରେ ବାଳିକାମାନେ ସ୍କୁଲ ଯିବାକୁ ଅଧିକ ଆଗ୍ରହୀ ଓ ଯାଉଛନ୍ତି ମଧ୍ୟ ।
ନୂଜହତ ମଲିକ କହିଛନ୍ତି କି ଯଦି ଦଶମ ଶ୍ରେଣୀ ପିଲାଙ୍କ କଥା ଦେଖିବା ଏଥିରେ ୬୦ ପ୍ରତିଶତ ବାଳକ ସ୍କୁଲ ଯାଉଥିବା ବେଳେ ୬୭ ପ୍ରତିଶତ ବାଳିକା ସ୍କୁଲ ଯାଉଛନ୍ତି । ଏକାଦଶ ଶ୍ରେଣୀର କଥା କହିଲେ ଏଥିରେ ୫୧ ପ୍ରତିଶତ ବାଳକ ଓ ୫୫ ପ୍ରତିଶତ ବାଳିକା ସ୍କୁଲ ଯାଉଛନ୍ତି ।