ରାଷ୍ଟ୍ରପତି ନିର୍ବାଚନରେ ବଢିପାରେ କ୍ରସ୍ ଭୋଟିଙ୍ଗ । ଆସାମ ବିଧାୟକଙ୍କର ଚାଞ୍ଚଲ୍ୟକର ବୟାନ ।
କନକ ବ୍ୟୁରୋ: ଜାରି ରହିଛି ରାଷ୍ଟ୍ରପତି ନିର୍ବାଚନ ପାଇଁ ମତଦାନ । ଏଥିପାଇଁ ବିଭିନ୍ନ ରାଜ୍ୟର ବିଧାନସଭା ଓ ସଂସଦରେ ମତଦାନ ଜାରି ରହିଛି । ହେଲେ ଏହା ମଧ୍ୟରେ କ୍ରସ୍ ଭୋଟିଙ୍ଗ ନେଇ ଖବର ଆସିଛି । ବିରୋଧୀ ଦଳମାନେ ମିଶି ପ୍ରାର୍ଥୀ କରିଥିବା ଯଶୱନ୍ତ ସିହ୍ନାଙ୍କୁ ଭୋଟ ଦେବାକୁ ବୈଠକରେ ନିଷ୍ପତ୍ତି ନେଇଥିଲେ ବି ଦଳର ନିଷ୍ପତ୍ତିରୁ ବାହାରି ଯାଇ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଭୋଟ ଦେଇଛନ୍ତି ଗୁଜୁରାଟ ଏନସିପି ବିଧାୟକ । କେବଳ ଏତିକି ନୁହେଁ ଆସାମରେ କଂଗ୍ରେସର ୨୦ରୁ ଅଧିକ ବିଧାୟକ କ୍ରସ୍ ଭୋଟିଙ୍ଗ କରିପାରନ୍ତି ବୋଲି ଆଶଙ୍କା ପ୍ରକାଶ କରିଛନ୍ତି ଆସାମରେ ଅଲ୍ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟର ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଓଡିଶାରେ ମଧ୍ୟ ଦଳୀୟ ବିଶୃ୍ଙ୍ଖଳା ମଧ୍ୟରେ କଂଗ୍ରେସର ଜନୈକ ବିଧାୟକ ଦଳର ନିଷ୍ପତ୍ତିରୁ ଓହରି ଯାଇ ଦୌପଦୀ ମୁର୍ମୁଙ୍କୁ ଭୋଟ ଦେଇଥିବା ଜଣାପଡିଛି । ତେବେ ତାଙ୍କ ବିରୋଧରେ ଦଳର ବିଚାରବିମର୍ଷ କ୍ରମେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦଳ ବରିଷ୍ଠ ନେତା କହିଛନ୍ତି ।