କନକ ବ୍ୟୁରୋ : ଆଜି ରାଜଧାନୀ ଭୁବନେଶ୍ୱରରେ ୫୦ ତଳେ ରହିଛି କରୋନା ଆକ୍ରାନ୍ତଙ୍କ ସଂଖ୍ୟା । ଆଜି ଭୁବନେଶ୍ୱରର ବିଭିନ୍ନ ଅଞ୍ଚଳରୁ ୪୧ ଜଣ ପଜିଟିଭ ଚିହ୍ନଟ ହୋଇଛନ୍ତି । ୪୧ ଜଣଙ୍କ ମଧ୍ୟରୁ ୭ କ୍ୱାରେଣ୍ଟାଇନ ସେଣ୍ଟରରୁ ଓ ୩୪ ଜଣ ଲୋକାଲ କେସ ବୋଲି ଜଣାପଡିଛି । ସେହିପରି ୨୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭୁୁବନେଶ୍ୱରର ବରମୁଣ୍ଡା, ଭୀମଟାଙ୍ଗୀ, ଚନ୍ଦ୍ରଶେଖରପୁର, ଚିନ୍ତାମଣିଶ୍ୱର, ସିଆରପିଏଫ ଛକ, କଳ୍ପନା, ଖଣ୍ଡଗିରି, କଳିଙ୍ଗ ବିହାର, ଲଖ୍ମୀସାଗର, ପଟିଆ, ରସୁଲଗଡ ଓ ସାଲିଆସାହି ଅଞ୍ଚଳରୁ ଜଣେ ଲେଖାଏଁ, ନିଳାଦ୍ରୀବିହାର, ଆଇଆରସି ଭିଲେଜ ଅଞ୍ଚଳରୁ ୨ ଜଣ ଲେଖାଏଁ ଓ ଝାରପଡାରୁ ୩ ଜଣ ଚିହ୍ନଟ ହୋଇଛନ୍ତି ।
ଏହାସହ ଭୁବନେଶ୍ୱରରେ ମୋଟ ୩୧ ହଜାର ୧୪୫ରେ ପହଞ୍ଚିଛି କରୋନା ପିଜିଟିଭି ସଂଖ୍ୟା । ୩୦ ହଜାର ୫୪୯ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୨୨୯ ଜଣଙ୍କ ମୃତ୍ୟୁ ହୋଇଛି । ସେହିପରି ଏବେ ଯାଏଁ ୩୪୬ ଜଣ ସକ୍ରିୟ ରହିଛନ୍ତି ।