ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ୧୧ କୋଟି ଟଙ୍କା ଆଦାୟ କଲା ରେଳବାଇ । ସଂରକ୍ଷଣ ଟିକେଟର ହେଉଛି କଳାବଜାରୀ ।
କନକ ବ୍ୟୁରୋ : ଦେଶରେ କରୋନା ସଂକ୍ରମଣ ପାଦ ଦେବା ପୂର୍ବରୁ ଟ୍ରେନରେ ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା ବେଶ ଅଧିକ ରହୁଥିଲା । ରେଳ ପ୍ରଶାସନ ମଧ୍ୟ ସମୟ ସମୟରେ ଯାଞ୍ଚ କରୁଥିଲା । ତେବେ ମୁରାଦାବାଦ ରେଳ ଡିଭିଜନରୁ ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ୧୧କୋଟି ଟଙ୍କା ଆଦାୟ କରାଯାଇଛି । ସୂଚନା ଅଧିକାର ଅଧୀନରେ ମଗାଯାଇଥିବା ସୂଚନାରୁ ଏହି ତଥ୍ୟ ମିଳିଛି । ତେବେ ସଂରକ୍ଷଣ ଟିକେଟର କଳାବଜାରୀ କରି କେତେଜଣ ଧରାପଡିଛନ୍ତି, ସେ ସମ୍ପର୍କରେ ଆରପିଏଫ୍ ଏବଂ ଉତ୍ତର ରେଳବାଇର ଭିଜିଲାନ୍ସ ଟିମ୍ ସୂଚନା ଦେଇନାହିଁ ।
Kanak News is now on WhatsApp
Join and get latest news updates delivered to you via WhatsApp
୨୦୨୧ ମାର୍ଚ୍ଚ ୨୭ ତାରିଖରେ, ଡିଭିଜନାଲ ରେଳ ପ୍ରଶାସନ ପକ୍ଷରୁ, ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା, ସଂରକ୍ଷଣ ଟିକେଟର କଳାବଜାରୀ ସମ୍ବନ୍ଧରେ ସୂଚନା ମଗାଯାଇଥିଲା । ଆଉ ମିଳିଥିବା ତଥ୍ୟ ଅନୁସାରେ, ୨୦୧୯ ଏପ୍ରିଲ ୧ ତାରିଖରୁ, ୨୦୨୧ ମାର୍ଚ୍ଚ ୩୧ ତାରିଖ, ଅର୍ଥାତ ଦୁଇ ଆର୍ଥିକ ବର୍ଷରେ, ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ୧୧ କୋଟି ଟଙ୍କା ଆଦାୟ କରାଯାଇଛି ।