ଚନ୍ଦ୍ରରେ ଲୁଚି ରହିଛି ଅକ୍ସିଜେନ୍ । ୮ ଶହ କୋଟି ଲୋକ ୧ ଲକ୍ଷ ବର୍ଷ ପର୍ଯ୍ୟନ୍ତ ନେଇପାରିବେ ନିଶ୍ୱାସ ପ୍ରଶ୍ୱାସ । ପଢନ୍ତୁ, କେଉଁ ସଂସ୍ଥା ଦାବି କଲା ଏମିତି କଥା…
କନକ ବ୍ୟୁରୋ: ଚନ୍ଦ୍ରରେ କେତେ ପରିମାଣରେ ଅକ୍ସିଜେନ୍ ଅଛି? ଏହି ପ୍ରଶ୍ନର ଉତ୍ତର ଆପଣ ବି ସଠିକ୍ ଭାବେ ଜାଣିନଥିବେ । ହେଲେ ନିକଟରେ ଅଷ୍ଟ୍ରେଲିଆର ସ୍ପେଶ୍ ଏଜେନ୍ସି ଏମିତି କିଛି ତଥ୍ୟ ସାମ୍ନାକୁ ଆଣିଛି, ଯାହା ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଚନ୍ଦ୍ରରେ ଯେତିକି ଅମ୍ଲଜାନ ଅଛି, ସେଥିରେ ୮୦୦ କୋଟି ଲୋକ ଏକ ଲକ୍ଷ ବର୍ଷ ପର୍ଯ୍ୟନ୍ତ ବଞ୍ଚିପାରିବେ ବୋଲି ଦାବି କରିଛି ଅଷ୍ଟ୍ରେଲିଆର ସ୍ପେଶ୍ ଏଜେନ୍ସି ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆର ସ୍ପେଶ୍ ଏଜେନ୍ସି ନାସାର ସହାୟତାରେ ନିଜର ଲୁନାର ରୋଭର ଚନ୍ଦ୍ର ଉପରେ ଲ୍ୟାଣ୍ଡ କରିବାକୁ ଲକ୍ଷ୍ୟ ରଖିଛି । ଯେଉଁଥିରେ ସେଠାରେ ଥିବା ପଥରକୁ ଜମା କରି ସେଥିରୁ ଅମ୍ଲଜାନ ସଂଗ୍ରହ କରିବା ସମ୍ଭବ ହେବ । ତେବେ ଅଷ୍ଟ୍ରେଲିଆର ସ୍ପେଶ୍ ଏଜେନ୍ସିର କହିବା କଥା, ଏବେ ଚନ୍ଦ୍ରପୃଷ୍ଠରେ ଜାଗା କିଣିବା ସମ୍ଭବ ହେଲାଣି । ଲୋକମାନେ ସେଠାରେ କଲୋନୀ ତିଆରି କରିବାକୁ ଟଙ୍କା ଦେଲେଣି । ତେବେ ଅମ୍ଲଜାନ ବିନା ସେଠାରେ ମନୁଷ୍ୟ ବଞ୍ଚିରହିବା ଅସମ୍ଭବ । ତେଣୁ ଏହି ବିଷୟରେ ଅଷ୍ଟ୍ରେଲିଆର ସ୍ପେଶ୍ ଏଜେନ୍ସି ନିଜର ଗବେଷଣା ଜାରି ରଖିଛି ।
ଅଷ୍ଟ୍ରେଲିଆର ସ୍ପେଶ୍ ଏଜେନ୍ସିର ବୈଜ୍ଞାନିକଙ୍କ ମତ ଅନୁସାରେ, ଚନ୍ଦ୍ରର ବାୟୁମଣ୍ଡଳରେ ଅମ୍ଲଜାନ ନାହିଁ । ହେଲେ ସେଠାରେ ଅମ୍ଲଜାନ ପଥର ପରସ୍ତ ଭିତରେ ଲୁଚି ରହିଛି । ଯଦି ଆଧୁନିକ ଜ୍ଞାନକୌଶଳରେ ଏହି ପଥର ପରସ୍ତରୁ ଅମ୍ଲଜାନ ବାହାର କରିହେବ, ତେବେ ଏଥିରୁ ସାଧାରଣ ଲୋକ ଉପକୃତ ହୋଇପାରିବେ । ସୂଚନାଯୋଗ୍ୟ ଯେ, ଚନ୍ଦ୍ର ପୃଷ୍ଠରେ କେବଳ ପଥର ଓ ମାଟି ଦେଖିବାକୁ ମିଳିଥାଏ । ଆଉ ଅଷ୍ଟ୍ରେଲିଆର ସ୍ପେଶ୍ ଏଜେନ୍ସିର କହିବା କଥା, ଏହି ପଥର ଓ ମାଟି ଭିତରେ ହିଁ ଅମ୍ଲଜାନ ଲୁଚି ରହିଛି ।
Australia, we’re going to the Moon. 🌙
We’ve reached an agreement with @NASA for an Australian-made rover to be part of a future mission, harnessing our skills and expertise in the resources sector. pic.twitter.com/uoJLis2YPr
— Australian Space Agency (@AusSpaceAgency) October 12, 2021
ଅନ୍ୟପଟେ ଚନ୍ଦ୍ରପୃଷ୍ଠରେ ଅନେକ ସମୟରେ ଉଲକାପିଣ୍ଡ ମାଡ ହୋଇଥାଏ । ଯାହା ଫଳରେ ସେଠାକାର ଭୂ-ପୃଷ୍ଠରେ ଥିବା ପଥର ଓ ଖଣିଜ ପଦାର୍ଥ ଭାଙ୍ଗିଯାଇଥାଏ । ତେବେ ସେହି ପଥର ଓ ଖଣିଜ ପଦାର୍ଥରୁ ଅକ୍ଲିଜେନ୍ ମିଳିପାରିବ ବୋଲି ଦାବି କରାଯାଉଛି । ଏଥିପାଇଁ ଆଧୁନିକ ଜ୍ଞାନକୌଶଳର ଆବଶ୍ୟକତା ଅଛି । ଚନ୍ଦ୍ରପୃଷ୍ଠରୁ ଏହି ଅମ୍ଲଜାନ ସଂଗ୍ରହ କରିବା ସମ୍ଭବ ହେଲେ, କୋଟି କୋଟି ଲୋକ ଉପକୃତ ହୋଇପାରିବେ । ଏଥିପାଇଁ ଅନେକ ଉର୍ଜାର ଆବଶ୍ୟକତା ମଧ୍ୟ ରହିଛି । ବେଲଜିୟମର ଏ ଷ୍ଟାଟଅପ୍ ସ୍ପେଶ୍ ଆପ୍ଲିକେସନ ସର୍ଭିସ କମ୍ପାନୀର କହିବା ମୁତାବକ, ଚନ୍ଦ୍ରପୃଷ୍ଠରୁ ଅକ୍ସିଜେନ୍ ବାହାର କରିବା ପାଇଁ ନୂଆ ଟେକ୍ନୋଲୋଜି ଆପଣାଯାଉଛି । ତେବେ ୨୦୨୫ ସୁଦ୍ଧା ସେମାନେ ଏଥିରେ ସଫଳ ହେବ ବୋଲି ଅନୁମାନ କରାଯାଉଛି ।
ଆପଣ ଜାଣି ଆଶ୍ଚଯ୍ୟ ହେବେ , ଚନ୍ଦ୍ର ପୃଷ୍ଠରେ ପ୍ରତି କ୍ୟୁବିକ୍ ମିଟରରେ ୧.୪ ଟନ୍ ଖଣିଜ ପଦାର୍ଥ ରହିଛି । ଯେଉଁଥିରୁ ୬୩୦ କିଲୋଗ୍ରାମ ଅକ୍ସିଜେନ୍ ସଂଗ୍ରହ କରିହେବ । ତେବେ ଜଣେ ମଣିଷ ଗୋଟିଏ ଦିନରେ କେବଳ ୮ ଶହ ଗ୍ରାମ ଅକ୍ସିଜେନ୍ ଆବଶ୍ୟକ କରେ । ତେଣୁ ୬୩୦ କିଲୋଗ୍ରାମ ଅକ୍ସିଜେନରେ ଜଣେ ବ୍ୟକ୍ତି ଅତି ସହଜରେ ଦୁଇ ବର୍ଷ ପର୍ଯ୍ୟନ୍ତ ଜୀବିତ ରହିପାରିବେ ବୋଲି ଦାବି କରାଯାଉଛି । ଅନ୍ୟପଟେ ଚନ୍ଦ୍ରପୃଷ୍ଠରେ ଲୁଚି ରହିଥିବା ଏହି ଅମ୍ଲଜାନ ସଂଗ୍ରହ ସମ୍ଭବ ହେଲେ, ୮ ଶହ କୋଟି ଲୋକ ଏକ ଲକ୍ଷ ବର୍ଷ ପର୍ଯ୍ୟନ୍ତ ଅତି ସହଜରେ ନିଶ୍ୱାସ ପ୍ରଶ୍ୱାସ ନେଇପାରିବେ ବୋଲି ଦାବି କରାଯାଇଛି ।