ଭୟ ଭିତରେ ଅଦ୍ଭୁତ ଦୃଶ୍ୟ…ଆକାଶରେ ଏକାସଙ୍ଗେ ଦେଖାଗଲା ଜହ୍ନ ଓ ବୃହସ୍ପତି ଗ୍ରହ: ଦେଖନ୍ତୁ ସେହି ମୁହୂର୍ତ୍ତର ଚମତ୍କାରୀ ଚିତ୍ର
କନକ ବ୍ୟୁରୋ: ବର୍ତ୍ତମାନ ସମୟରେ ଷ୍ଟାରଗେଜିଂ କୌଣସି ରୋମାଂଚକରୁ କମ ନୁହେଁ । କାହିଁକି ନା ବାୟୁ ପ୍ରଦୂଷଣର ସ୍ତର ହ୍ରାସ ପାଇବା କାରଣରୁ ଏବେ ଆପଣ ବଡ ବଡ ସହରାଂଚଳରେ ବି ଘର ଛାତ ଉପରୁ ଆକାଶକୁ ସ୍ପଷ୍ଟ ଭାବେ ଦେଖିପାରୁଛନ୍ତି । ଯଦିଓ ତାଲାବନ୍ଦ କାରଣରୁ ଲୋକଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡିଛି ମାତ୍ରା ଏଥିସହିତ ହିଁ ଏହି ସମୟରେ ଲୋକଙ୍କୁ କିଛି ନୂଆ ଆଉ କିଛି ଭଲ ଅନୁଭୁତି ବି ମିଳିଛିି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ଆଜି ଏକା ସଙ୍ଗେ ଆକାଶରେ ଦୃଶ୍ୟମାନ ହୋଇଥିଲା ସୌରମଣ୍ଡଳର ସବୁଠୁ ବଡ ଗ୍ରହ ତଥା ବୃହସ୍ପତି ଗ୍ରହ ଏବଂ ଜହ୍ନ । ଯାହାକୁ ଦେଖିବା ପାଇଁ କୌଣସି ଟେଲିସ୍କୋପର ଆବଶ୍ୟକତା ପଡି ନଥିଲା ବରଂ ଖାଲି ଆଖିରେ ଏହି ଅପୂର୍ବ ଦୃଶ୍ୟ ଅତି ସ୍ପଷ୍ଟଭାବେ ନଜର ଆସିଥିଲା । ଆଜି ଭୋରୁ ଭୋରୁ ସମୟରେ ଆକାଶରେ ଏକାସଙ୍ଗେ ନଜର ଆସିଥିଲା ଏଭଳି ଏକ ଅଦଭୁତ ଦୃଶ୍ୟ । ଯେଉଁଠି ପାହାନ୍ତିଆ ଆକାଶରେ ଏକାଠି ଦୃଶ୍ୟମାନ ହୋଇଥିଲା ଜହ୍ନ ଏବଂ ବୃହସ୍ପତି ଗ୍ରହ । ତେବେ ଆକାଶରେ ଉଭୟେ ପରସ୍ପରର ନିକଟତର ହୋଇଥିଲେ ମଧ୍ୟ ମାତ୍ର ଏହା ଏତେ ବି ନିକଟତର ହୋଇନଥିଲେ ଯାହାକୁ ଗୋଟିଏ ଟେଲିସ୍କୋପରେ ଦେଖିବା ସମ୍ଭବପର ହୋଇନଥିଲା । କିନ୍ତୁ ପ୍ରକୃତିର ଏହି ଅପୂର୍ବ ତଥା ଅଦଭୁତ ଦୃଶ୍ୟକୁ ଆପଣ ବିନା କୌଣସି ବୈଜ୍ଞାନିକ ଉପକରଣରେ ବି ଦେଖିପାରିଥାନ୍ତେ ।
ଏଠାରେ ଆମେ କହି ରଖୁଛି ଯେ, କିଛି ଦିନ ପୂର୍ବରୁ ଆକାଶରେ ଜହ୍ନ ସହ ଉଜ୍ୱଳମାନ ଶୁକ୍ର ଗ୍ରହକୁ ମଧ୍ୟ ଦେଖିବାକୁ ମିଳିଥିଲା । ଆଉ ଏହି ଅପୂର୍ବ ଦୃଶ୍ୟ ଏତେ ମନଲୋଭା ଥିଲା କି ଅନେକ ଲୋକେ ଏହି ଦୃଶ୍ୟକୁ ଖାଲି ଆଖିରେ ବେଶ୍ ଉପଭୋଗ କରିଥିଲେ ।