ଓଡିଶାରେ ଦିଆଗଲା ଟ୍ରମ୍ପ ନେଇଥିବା ଔଷଧ । ଭୁବନେଶ୍ୱରର ଆପୋଲୋ ହସ୍ପିଟାଲରେ ଦିଆଗଲା ‘ମନକ୍ଲୋନାଲ ଆଣ୍ଟିବଡି କକଟେଲ’ । ୮୨ ବର୍ଷିୟ ବୃଦ୍ଧଙ୍କ ଶରୀରରେ ହେଲା ପ୍ରୟୋଗ ।
କନକ ବ୍ୟୁରୋ: ଓଡିଶାରେ ଟ୍ରମ୍ପ ଔଷଧ । ରାଜ୍ୟରେ ପ୍ରଥମଥର ପାଇଁ ବ୍ୟବହାର ହେଲା ‘ଟ୍ରମ୍ପ’ ଔଷଧ । କରୋନାର ଚିକିତ୍ସା ପାଇଁ ପୂର୍ବତନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଯେଉଁ କକଟେଲ ବା ଔଷଧ ଦିଆଯାଇଥିଲା, ଆଜି ପ୍ରଥମ ଥର ପାଇଁ ଓଡିଶାରେ ସେହି କକଟେଲ ବ୍ୟବହାର କରାଯାଇଛି । ଭୁବନେଶ୍ୱର ଆପୋଲୋ ହସ୍ପିଟାଲରେ ଜଣେ ୮୨ ବର୍ଷିୟ ବୃଦ୍ଧଙ୍କୁ ଏହି କକଟେଲ୍ ଦିଆଯାଇଛି । ଏହା ଏକ ଆଂଟିବଡି ଔଷଧ । ସ୍ୱଳ୍ପରୁ ମଧ୍ୟମ ଧରଣର ଆକ୍ରାନ୍ତ ହୋଇଥିବା ବ୍ୟକ୍ତିଙ୍କୁ ଏହି ଔଷଧ ପ୍ରୟୋଗ କରାଯାଏ । ଏହା ଦ୍ୱାରା ବ୍ୟକ୍ତିଙ୍କ ଦେହରେ କରୋନା ଗୁରୁତର ରୂପ ନିଏ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆପୋଲୋ ହସ୍ପିଟାଲରେ ୮୨ ବର୍ଷିୟ ବ୍ୟକ୍ତିଙ୍କୁ ଏହି କକଟେଲ ଦିଆଯିବା ପରେ ତାଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସିଥିବା ହସ୍ପିଟାଲ ପକ୍ଷରୁ କୁହାଯାଇଛି । ଗତ ମେ ମାସ ଶେଷ ସପ୍ତାହରେ ଭାରତ ସରକାର, ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେବା ପରେ ଭାରତୀୟ ବଜାରରେ ଏହା ଉପଲବ୍ଧ ହୋଇଛି । ରୋଚେଫାର୍ମା ନାମକ ଔଷଧ କମ୍ପାନୀ ଏହି କକଟେଲ୍ ବିକ୍ରି କରୁଛି । ଆମେରିକା ଓ କିଛି ୟୁରୋପୀୟ ଦେଶ ଏହାକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି । ଗତ ମେ ମାସ ଶେଷରେ ଭାରତ ସରକାର ମଧ୍ୟ ଏହାକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି । ଏହାର ଦାମ ୬୦ ହଜାର ଟଙ୍କା ରଖାଯାଇଥିଲା ।