କନକ ବ୍ୟୁରୋ : ବିଶ୍ୱରେ ବର୍ତ୍ତମାନ ମଙ୍କିପକ୍ସର ଆତଙ୍କ ଦେଖିବାକୁ ମିଳିଛି । ସାରା ବିଶ୍ୱରେ ଏହି ଭାଇରସର ୯୨ ଆକ୍ରାନ୍ତ ଚିହ୍ନଟ ହୋଇସାରିଛନ୍ତି । ୟୁରୋପୀୟ ଦେଶ, ଉତ୍ତର ଆମେରିକା, ଅଷ୍ଟ୍ରେଲିଆର ୧୨ ଦେଶରେ ଏହି ଭୂତାଣୁ ଚିହ୍ନଟ ହୋଇସାରିଛି । ମଙ୍କିପକ୍ସକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ଚେତାବନୀ ଦେଇଛି । ହୁ କହିଛି, ଯେଉଁ ଦେଶରେ ଏହି ମଙ୍କିପକ୍ସ ଭାଇରସ ବ୍ୟାପିନାହିଁ ସେଠାରେ ଏହାର ଅଧିକ ମାମଲା ସାମ୍ନାକୁ ଆସିପାରେ । ସେମାନଙ୍କୁ ଏହା ବ୍ୟାପୁଛି ଯେଉଁମାନେ କୌଣସି କାରଣରୁ କାହା ସହ ସଂସ୍ପର୍ଷରେ ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହୁ’ର ଅଧିକାରୀ ଡେଭିଡ ହେମ୍ୟାନ କହିଛନ୍ତି, ଆଶା କରାଯାଉଛି ମଙ୍କିପକ୍ସ ଭାଇରସ ଲୋକଙ୍କ ମଧ୍ୟରେ ଶାରିରୀକ ସମ୍ବନ୍ଧ ରଖିବା ପରେ ବ୍ୟାପୁଛି । ଏହି କାରଣରୁ ସାରା ବିଶ୍ୱରେ ସଂକ୍ରମଣ ବଢିଚାଲିଛି । ହୁର କହିବାକଥା ଦକ୍ଷିଣ ଆଫ୍ରିକାରେ ପ୍ରତିବର୍ଷ ମଙ୍କିପକ୍ସରେ ଅନେକ ସଂକ୍ରମିତ ଚିହ୍ନଟ ହୋଇଥାନ୍ତି । ବିଶ୍ୱର ୧୨ଟି ଦେଶରେ ଏହା ବ୍ୟାପିବା ପରେ ଭାରତରେ ଏହା ବ୍ୟାପିବା ନେଇ ଆଶଙ୍କା ଦେଖାଦେଇଛି । ପ୍ରଶ୍ନ ଉଠୁଛି କଣ ଏହା ଦ୍ୱିତୀୟ ମହାମାରୀର କାରଣ ହେବ?
କ’ଣ ଭାରତରେ ବ୍ୟାପିବ କି ମଙ୍କିପକ୍ସ?
ଏଡସ ସୋସାଇଟି ଅଫ୍ ଅଣ୍ଡିଆର ଅଧ୍ୟକ୍ଷ ଡା. ଇଶ୍ୱର ଗିଲାଡା କହିଛନ୍ତି, ଏହି ଭୂତାଣୁ ସାଧାରଣତଃ ପଶୁଙ୍କ ପାଖରେ ଦେଖାଯାଏ । ପରେ ଏହା ମଣିଷଙ୍କ ପାଖରେ ବି ନଜର ଆସେ । ମଙ୍କିପକ୍ସ ଏଚଆଇଭି ଭଳି ଜେନେଟିକ ମାଙ୍କଡଠାରୁ ଭାଇରସ ଭାବେ ଆସିଥାଏ । ଏହା ସିମିଏନ ଇମ୍ୟୁନୋଡେଫିସିଏନ୍ସି ଭୂତାଣୁ । ଏହା ପଶୁଙ୍କ ପାଖରୁ ବ୍ୟାପୁଥିବା ବେଳେ ମଣିଷଙ୍କ ପାଖରେ ପହଞ୍ଚିଥାଏ । ତେବେ ସେହିଭଳି କିଛି ତଥ୍ୟ ନାହିଁ ଯେଉଁଥିରେ ଜଣାପଡିବ ଏହା ମହାମାରୀ ହୋଇପାରେ । ଭାରତରେ ଏହା ସେହିଭଳି ବ୍ୟାପିବ ନାହିଁ ତେଣୁ ବ୍ୟସ୍ତ ହେବାର ନାହିଁ ।