ଅର୍ଥ ହେରଫେର ମାମଲା : ଜେଟ ଏୟାରୱେଜ୍ କମ୍ପାନୀର ମାଲିକ ନରେଶ ଗୋଏଲଙ୍କ ୫୩୮ କୋଟି ଟଙ୍କାର ସମ୍ପତ୍ତି ଜବତ୍

କନକ ବ୍ୟୁରୋ : ଜେଟ ଏୟାରୱେଜ ଲିମିଟେଡ ସହ ଜଡିତ ଏକ ଅର୍ଥ ହେରଫେର ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ୫୦୦ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରିଛି । ଏହି ସମ୍ପତ୍ତି ଗୁଡିକ ଲଣ୍ଡନ, ଦୁବାଇ ଓ ଭାରତର ଭିନ୍ନ ଭିନ୍ନ ରାଜ୍ୟରେ ଜେଟ୍ ଏୟାରୱେଜର ସଂସ୍ଥାପକ ନରେଶ ଗୋଏଲ, ତାଙ୍କ ପତ୍ନୀ ଅନିତା ଗୋଏଲ ଓ ଝିଅ ନିବାନ ଗୋଏଲ କମ୍ପାନୀର ଅନ୍ୟ ଲୋକଙ୍କ ନାମରେ ପଞ୍ଜିକୃତ ରହିଛି । ଜବତ ସମ୍ପତ୍ତି ମଧ୍ୟରେ ୧୭ଟି ଘରୋଇ ଫ୍ଲାଟ, ବଙ୍ଗଳା ଓ ବ୍ୟବସାୟୀକ କୋଠା ରହିଛି ।

Directorate of Enforcement (ED) has provisionally attached properties worth Rs 538.05 Crore under the provisions of Prevention of Money Laundering Act (PMLA) 2002 in the money laundering investigation against Jet Airways (India) Limited (JIL). The attached properties include 17… https://t.co/XhT6Ioxro5 pic.twitter.com/l47Hy7kv36

— ANI (@ANI) November 1, 2023

କେନ୍ଦ୍ରୀୟ ତଦନ୍ତକାରୀ ସଂସ୍ଥା ଇଡି ତରଫରୁ ମନି ଲଣ୍ଡରିଂ ନିବାରଣ ଆଇନ ‘ପିଏମଏଲଏ’ ୨୦୦୨ ଅଧୀନରେ ଅତିକମରେ ୫୩୮ କୋଟି ଟଙ୍କାର ସମ୍ପତ୍ତି ଜବତ କରିଛି । ନରେଶ ଗୋଏଲଙ୍କ ବ୍ୟତୀତ ଜେଟ ଏୟାରୱେଜ ପ୍ରାଇଭେଟ ଲିମିଟେଡ ଓ ଜେଟ୍ ଏଣ୍ଟର ପ୍ରାଇଜେସ ପ୍ରାଇଭେଟ ଲିମିଟେଡ ନାମରେ କିଛି ସମ୍ପତ୍ତି ପଞ୍ଜିକୃତ ହୋଇଛି ।