ସୁକେଶ ଚନ୍ଦ୍ରଶେଖରଙ୍କ ଆବେଦନ ଉପରେ କୋର୍ଟଙ୍କ ବୟାନ, ‘ବରଦାସ୍ତ କରାଯିବନାହିଁ ବିଚାରପତିଙ୍କ ଉପରେ ଅଭିଯୁକ୍ତଙ୍କ ଟିପ୍ପଣୀ’
କନକ ବ୍ୟୁରୋ : ୨୦୦ କୋଟି ଟଙ୍କା ହେରଫେର ମାମଲାରେ ଜେଲରେ ଥିବା ମହାଠକ ସୁକେଶ ଚନ୍ଦ୍ରଶେଖରଙ୍କୁ ପଟିଆଲା ହାଉସ କୋର୍ଟ ତାଗିଦ୍ କରିଛନ୍ତି । ସୁକେଶ ଚନ୍ଦ୍ରଶେଖର ତାଙ୍କ ମାମଲାକୁ ଅନ୍ୟ ଜଣେ ବିଚାରପତିଙ୍କ ନିକଟକୁ ବଦଳି କରିବାକୁ ଆବେଦନ କରିଥିଲେ । ଏହାସହ ସେ ବିଚାରପତିଙ୍କ ଉପରେ ପକ୍ଷପାତ ଅଭିଯୋଗ ମଧ୍ୟ ଆଣିଥିଲେ । ଏହି ଆବେଦନ ଉପରେ ପଟିଆଲା ହାଉସ କୋର୍ଟ କହିଥିଲେ କି କୌଣସି ବିଚାରପତିଙ୍କ ଉପରେ ଅଭିଯୁକ୍ତମାନେ ଟିପ୍ପଣୀ କରିପାରିବେ ନାହିଁ । ଏହାସହ ସୁକେଶ ଚନ୍ଦ୍ରଶେଖରଙ୍କ ହେପାଜତକୁ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶନିବାର (ମାର୍ଚ୍ଚ ୧୮) ଦିନ ପଟିଆଲା ହାଉସ କୋର୍ଟ ୨୦୦କୋଟି ଟଙ୍କା ଅର୍ଥ ହେରଫେର ମାମଲାରେ ଅଭିଯୋଗକାରୀ ଜପନା ସିଂଙ୍କ ଆବେଦନ ଉପରେ ଶୁଣାଣି କରିଥିଲେ । ଏହି କ୍ରମରେ କୋର୍ଟ କହିଥିଲେ କି ତାଙ୍କୁ ସୁକେଶଙ୍କର ଏକ ଆବେଦନ ମିଳିଛି । ଏହାସହ ଏହି ଆବେଦନକୁ ନେଇ କୋର୍ଟ ସୁକେଶଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି ।
କୋର୍ଟ ସୁକେଶଙ୍କୁ କଟାକ୍ଷ କରି କହିଛନ୍ତି କି, ଯେତେବେଳେ ଅଭିଯୁକ୍ତ ସପକ୍ଷରେ ନ୍ୟାୟ ଯାଉଛି ସେତେବେଳେ ଅଭିଯୁକ୍ତମାନେ କୋର୍ଟକୁ ପ୍ରଶଂସା କରୁଛନ୍ତି । ହେଲେ ଯେତେବେଳେ ଅଭିଯୁକ୍ତଙ୍କ ବିରୋଧରେ ନ୍ୟାୟ ଯାଉଛି ସେତେବେଳ କୋର୍ଟ ପକ୍ଷପାତ କରୁଥିବା ଅଭିଯୋଗ ଆସୁଛି । ଏହାସହ ସୁକେଶଙ୍କର ଆବେଦନ ଆଧାରହୀନ ବୋଲି କୋର୍ଟ କହିଛନ୍ତି । ଏହି ଆବେଦନ ଉପରେ ଶୁଣାଣି ହୋଇପାରିବ ନାହିଁ ବୋଲି ମଧ୍ୟ କୋର୍ଟ ସ୍ପଷ୍ଟ କରିଦେଇଛନ୍ତି ।