ଗାଁକୁ ଗଲେ, ଜମି ପଟ୍ଟା ବାଣ୍ଟିଲେ ତହସିଲଦାର : ପାହାଡ ଚଢି ଦୁର୍ଗମ ଅଞ୍ଚଳର ୮ଟି ଗାଁର ଦୁଃଖ ବୁଝିଲେ

କନକ ବ୍ୟୁରୋ : ସମସ୍ୟା ଭିତରେ ରହିଥିବା ଗାଁର ଲୋକଙ୍କୁ ସହାୟତା କଲେ ତହସିଲଦାର । ବିଭିନ୍ନ ମୌଳିକ ସୁବିଧ।।ରୁ ବଞ୍ଚିତ ରହିଥିବା ମୋହନାର ଲୋକଙ୍କୁ ମିଳିବ ସହାୟତା । ମୋହନା ତହସିଲଦାର ଦୁର୍ଗମ ଅଞ୍ଚଳର ଆଠଟି ଗାଁକୁ ଘାଟି ପାହାଡ ଚଢି ଲୋକମାନଙ୍କର ସମସ୍ୟା ପଚାରି ବୁଝିଛନ୍ତି । ମୋହନା ତହସିଲର ଆଠଟି ରାଜସ୍ୱ ମଣ୍ଡଳର ଗାଁରେ ପହଞ୍ଚି ଲୋକଙ୍କ ସବୁ ସମସ୍ୟାର ସମାଧାନ କରିଛନ୍ତି ।

ମୋହନା ତହସିଲ ଅନ୍ତର୍ଗତ ଆଠଟି ରାଜସ୍ୱ ମଣ୍ଡଳର ଆଠଟି ଗାଁକୁ ପ୍ରାଥମିକ ଭାବେ ମୋ ଆଦର୍ଶ ରାଜସ୍ୱ ଗ୍ରାମ କରାଯାଇଛି । ସେହି ଗାଁ ଗୁଡିକର ପ୍ରତିଟି ସମସ୍ୟାକୁ ନିଜେ ତହସିଲଦାର ପହଞ୍ଚି ସମାଧାନ କରିଛନ୍ତି । ଏବେ ଲୋକେ ନିିଜ ଗାଁରେ ରହି ଜମି ପଟ୍ଟା ଓ ବିଭିନ୍ନ ପ୍ରମାଣ ପତ୍ର ପାଇଛନ୍ତି । ଯାହାକୁ ନେଇ ଗାଁର ଲୋକମାନେ ବେଶ ଖୁସି ଜାହିର କରିଛନ୍ତି ।